| Library / Tipiṭaka / तिपिटक • Tipiṭaka / धम्मसङ्गणी-अनुटीका • Dhammasaṅgaṇī-anuṭīkā |
रूपावचरारूपावचरविपाककथावण्णना
Rūpāvacarārūpāvacaravipākakathāvaṇṇanā
४९९. तस्मिं खणे विज्जमानानं छन्दादीनन्ति एतेन विपाकज्झाने दुक्खापटिपदादिभावस्स अविज्जमानतं दस्सेति। न हि कुसलज्झानं विय विपाकज्झानं परिकम्मवसेन निब्बत्ततीति। न चेत्थ पटिपदाभेदो विय कुसलानुरूपो विपाकस्स आरम्मणभेदोपि न परमत्थिको सियाति सक्का वत्तुं एकन्तेन सारम्मणत्ता अरूपधम्मानं विपाकस्स च कम्मनिमित्तारम्मणताय अञ्ञत्रापि विज्जमानत्ता। नानाक्खणेसु नानाधिपतेय्यन्ति ‘‘यस्मिं खणे यं झानं यदधिपतिकं, ततो अञ्ञस्मिं खणे तं झानं एकन्तेन तदधिपतिकं न होती’’ति कत्वा वुत्तं। चतुत्थज्झानस्सेवाति च पटिपदा विय अधिपतयो न एकन्तिकाति इममेवत्थं दस्सेति।
499. Tasmiṃ khaṇe vijjamānānaṃ chandādīnanti etena vipākajjhāne dukkhāpaṭipadādibhāvassa avijjamānataṃ dasseti. Na hi kusalajjhānaṃ viya vipākajjhānaṃ parikammavasena nibbattatīti. Na cettha paṭipadābhedo viya kusalānurūpo vipākassa ārammaṇabhedopi na paramatthiko siyāti sakkā vattuṃ ekantena sārammaṇattā arūpadhammānaṃ vipākassa ca kammanimittārammaṇatāya aññatrāpi vijjamānattā. Nānākkhaṇesu nānādhipateyyanti ‘‘yasmiṃ khaṇe yaṃ jhānaṃ yadadhipatikaṃ, tato aññasmiṃ khaṇe taṃ jhānaṃ ekantena tadadhipatikaṃ na hotī’’ti katvā vuttaṃ. Catutthajjhānassevāti ca paṭipadā viya adhipatayo na ekantikāti imamevatthaṃ dasseti.
रूपावचरारूपावचरविपाककथावण्णना निट्ठिता।
Rūpāvacarārūpāvacaravipākakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / धम्मसङ्गणीपाळि • Dhammasaṅgaṇīpāḷi / अब्याकतविपाको • Abyākatavipāko
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / धम्मसङ्गणि-अट्ठकथा • Dhammasaṅgaṇi-aṭṭhakathā / रूपावचरारूपावचरविपाककथा • Rūpāvacarārūpāvacaravipākakathā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / धम्मसङ्गणी-मूलटीका • Dhammasaṅgaṇī-mūlaṭīkā / रूपावचरारूपावचरविपाककथावण्णना • Rūpāvacarārūpāvacaravipākakathāvaṇṇanā
