| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. ရူပသုတ္တံ
2. Rūpasuttaṃ
၃၁၃. သာဝတ္ထိနိဒာနံ။ ‘‘ယော ခော, ဘိက္ခဝေ, ရူပာနံ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော, ရောဂာနံ ဌိတိ, ဇရာမရဏသ္သ ပာတုဘာဝော။ ယော သဒ္ဒာနံ။ ယော ဂန္ဓာနံ။ ယော ရသာနံ။ ယော ဖောဋ္ဌဗ္ဗာနံ။ ယော ဓမ္မာနံ ဥပ္ပာဒော ဌိတိ အဘိနိဗ္ဗတ္တိ ပာတုဘာဝော, ဒုက္ခသ္သေသော ဥပ္ပာဒော, ရောဂာနံ ဌိတိ, ဇရာမရဏသ္သ ပာတုဘာဝော။ ယော စ ခော, ဘိက္ခဝေ, ရူပာနံ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော, ရောဂာနံ ဝူပသမော, ဇရာမရဏသ္သ အတ္ထင္ဂမော။ ယော သဒ္ဒာနံ။ ယော ဂန္ဓာနံ။ ယော ရသာနံ။ ယော ဖောဋ္ဌဗ္ဗာနံ။ ယော ဓမ္မာနံ နိရောဓော ဝူပသမော အတ္ထင္ဂမော, ဒုက္ခသ္သေသော နိရောဓော, ရောဂာနံ ဝူပသမော, ဇရာမရဏသ္သ အတ္ထင္ဂမော’’တိ။ ဒုတိယံ။
313. Sāvatthinidānaṃ. ‘‘Yo kho, bhikkhave, rūpānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo saddānaṃ… yo gandhānaṃ… yo rasānaṃ… yo phoṭṭhabbānaṃ… yo dhammānaṃ uppādo ṭhiti abhinibbatti pātubhāvo, dukkhasseso uppādo, rogānaṃ ṭhiti, jarāmaraṇassa pātubhāvo. Yo ca kho, bhikkhave, rūpānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo. Yo saddānaṃ… yo gandhānaṃ… yo rasānaṃ… yo phoṭṭhabbānaṃ… yo dhammānaṃ nirodho vūpasamo atthaṅgamo, dukkhasseso nirodho, rogānaṃ vūpasamo, jarāmaraṇassa atthaṅgamo’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ဥပ္ပာဒသံယုတ္တဝဏ္ဏနာ • 5. Uppādasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. ဥပ္ပာဒသံယုတ္တဝဏ္ဏနာ • 5. Uppādasaṃyuttavaṇṇanā
