| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၁၀. ရူပာရူပဓာတုပရိယာပန္နကထာဝဏ္ဏနာ
10. Rūpārūpadhātupariyāpannakathāvaṇṇanā
၇၇၁-၇၇၅. ဣဒာနိ ရူပရာဂော ရူပဓာတုပရိယာပန္နော အရူပရာဂော အရူပဓာတုပရိယာပန္နောတိ ကထာ နာမ ဟောတိ။ တတ္ထ ယသ္မာ ကာမရာဂော ကာမဓာတုပရိယာပန္နော, တသ္မာ ရူပရာဂာရူပရာဂေဟိပိ ရူပဓာတုအရူပဓာတုပရိယာပန္နေဟိ ဘဝိတဗ္ဗန္တိ ယေသံ လဒ္ဓိ, သေယ္ယထာပိ အန္ဓကာနံ, တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ သေသံ ဟေဋ္ဌာ ဝုတ္တနယေနေဝ ဝေဒိတဗ္ဗံ။ ကေဝလဉ္ဟိ တတ္ထ ‘‘ရူပဓာတုံ အနုသေတိ, အရူပဓာတုံ အနုသေတီ’’တိ ပဒံ ဝိသေသော။ သာ စ လဒ္ဓိ အန္ဓကာနဉ္စေဝ သမ္မိတိယာနဉ္စ။ အယံ အန္ဓကာနံယေဝာတိ။
771-775. Idāni rūparāgo rūpadhātupariyāpanno arūparāgo arūpadhātupariyāpannoti kathā nāma hoti. Tattha yasmā kāmarāgo kāmadhātupariyāpanno, tasmā rūparāgārūparāgehipi rūpadhātuarūpadhātupariyāpannehi bhavitabbanti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ heṭṭhā vuttanayeneva veditabbaṃ. Kevalañhi tattha ‘‘rūpadhātuṃ anuseti, arūpadhātuṃ anusetī’’ti padaṃ viseso. Sā ca laddhi andhakānañceva sammitiyānañca. Ayaṃ andhakānaṃyevāti.
ရူပရာဂော ရူပဓာတုပရိယာပန္နော အရူပရာဂော အရူပဓာတုပရိယာပန္နောတိကထာဝဏ္ဏနာ။
Rūparāgo rūpadhātupariyāpanno arūparāgo arūpadhātupariyāpannotikathāvaṇṇanā.
ရူပာရူပဓာတုပရိယာပန္နကထာဝဏ္ဏနာ။
Rūpārūpadhātupariyāpannakathāvaṇṇanā.
သောဠသမော ဝဂ္ဂော။
Soḷasamo vaggo.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၆၅) ၁၀. ရူပာရူပဓာတုပရိယာပန္နကထာ • (165) 10. Rūpārūpadhātupariyāpannakathā
