| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
१०. रूपारूपधातुपरियापन्नकथावण्णना
10. Rūpārūpadhātupariyāpannakathāvaṇṇanā
७७१-७७५. इदानि रूपरागो रूपधातुपरियापन्नो अरूपरागो अरूपधातुपरियापन्नोति कथा नाम होति। तत्थ यस्मा कामरागो कामधातुपरियापन्नो, तस्मा रूपरागारूपरागेहिपि रूपधातुअरूपधातुपरियापन्नेहि भवितब्बन्ति येसं लद्धि, सेय्यथापि अन्धकानं, ते सन्धाय पुच्छा सकवादिस्स, पटिञ्ञा इतरस्स। सेसं हेट्ठा वुत्तनयेनेव वेदितब्बं। केवलञ्हि तत्थ ‘‘रूपधातुं अनुसेति, अरूपधातुं अनुसेती’’ति पदं विसेसो। सा च लद्धि अन्धकानञ्चेव सम्मितियानञ्च। अयं अन्धकानंयेवाति।
771-775. Idāni rūparāgo rūpadhātupariyāpanno arūparāgo arūpadhātupariyāpannoti kathā nāma hoti. Tattha yasmā kāmarāgo kāmadhātupariyāpanno, tasmā rūparāgārūparāgehipi rūpadhātuarūpadhātupariyāpannehi bhavitabbanti yesaṃ laddhi, seyyathāpi andhakānaṃ, te sandhāya pucchā sakavādissa, paṭiññā itarassa. Sesaṃ heṭṭhā vuttanayeneva veditabbaṃ. Kevalañhi tattha ‘‘rūpadhātuṃ anuseti, arūpadhātuṃ anusetī’’ti padaṃ viseso. Sā ca laddhi andhakānañceva sammitiyānañca. Ayaṃ andhakānaṃyevāti.
रूपरागो रूपधातुपरियापन्नो अरूपरागो अरूपधातुपरियापन्नोतिकथावण्णना।
Rūparāgo rūpadhātupariyāpanno arūparāgo arūpadhātupariyāpannotikathāvaṇṇanā.
रूपारूपधातुपरियापन्नकथावण्णना।
Rūpārūpadhātupariyāpannakathāvaṇṇanā.
सोळसमो वग्गो।
Soḷasamo vaggo.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१६५) १०. रूपारूपधातुपरियापन्नकथा • (165) 10. Rūpārūpadhātupariyāpannakathā
