| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೬. ಸೋಳಸಮವಗ್ಗೋ
16. Soḷasamavaggo
(೧೬೧) ೬. ರೂಪಂ ಸಹೇತುಕನ್ತಿಕಥಾ
(161) 6. Rūpaṃ sahetukantikathā
೭೫೭. ರೂಪಂ ಸಹೇತುಕನ್ತಿ? ಆಮನ್ತಾ। ಅಲೋಭಹೇತುನಾತಿ? ನ ಹೇವಂ ವತ್ತಬ್ಬೇ…ಪೇ॰… ಅದೋಸಹೇತುನಾತಿ …ಪೇ॰… ಅಮೋಹಹೇತುನಾತಿ…ಪೇ॰… ಲೋಭಹೇತುನಾ…ಪೇ॰… ದೋಸಹೇತುನಾ…ಪೇ॰… ಮೋಹಹೇತುನಾತಿ? ನ ಹೇವಂ ವತ್ತಬ್ಬೇ…ಪೇ॰…।
757. Rūpaṃ sahetukanti? Āmantā. Alobhahetunāti? Na hevaṃ vattabbe…pe… adosahetunāti …pe… amohahetunāti…pe… lobhahetunā…pe… dosahetunā…pe… mohahetunāti? Na hevaṃ vattabbe…pe….
ರೂಪಂ ಸಹೇತುಕನ್ತಿ? ಆಮನ್ತಾ। ಸಾರಮ್ಮಣಂ, ಅತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ನ ಹೇವಂ ವತ್ತಬ್ಬೇ…ಪೇ॰… ನನು ಅನಾರಮ್ಮಣಂ, ನತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ಆಮನ್ತಾ। ಹಞ್ಚಿ ಅನಾರಮ್ಮಣಂ, ನತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧಿ, ನೋ ಚ ವತ ರೇ ವತ್ತಬ್ಬೇ – ‘‘ರೂಪಂ ಸಹೇತುಕ’’ನ್ತಿ।
Rūpaṃ sahetukanti? Āmantā. Sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… nanu anārammaṇaṃ, natthi tassa āvaṭṭanā…pe… paṇidhīti? Āmantā. Hañci anārammaṇaṃ, natthi tassa āvaṭṭanā…pe… paṇidhi, no ca vata re vattabbe – ‘‘rūpaṃ sahetuka’’nti.
೭೫೮. ಅಲೋಭೋ ಸಹೇತುಕೋ ಸಾರಮ್ಮಣೋ, ಅತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ಆಮನ್ತಾ। ರೂಪಂ ಸಹೇತುಕಂ ಸಾರಮ್ಮಣಂ, ಅತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ನ ಹೇವಂ ವತ್ತಬ್ಬೇ…ಪೇ॰… ಅದೋಸೋ ಸಹೇತುಕೋ…ಪೇ॰… ಅಮೋಹೋ… ಸದ್ಧಾ… ವೀರಿಯಂ… ಸತಿ… ಸಮಾಧಿ… ಪಞ್ಞಾ… ಲೋಭೋ… ದೋಸೋ… ಮೋಹೋ… ಮಾನೋ… ದಿಟ್ಠಿ… ವಿಚಿಕಿಚ್ಛಾ… ಥಿನಂ… ಉದ್ಧಚ್ಚಂ… ಅಹಿರಿಕಂ… ಅನೋತ್ತಪ್ಪಂ ಸಹೇತುಕಂ ಸಾರಮ್ಮಣಂ, ಅತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ಆಮನ್ತಾ। ರೂಪಂ ಸಹೇತುಕಂ ಸಾರಮ್ಮಣಂ, ಅತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ನ ಹೇವಂ ವತ್ತಬ್ಬೇ…ಪೇ॰…।
758. Alobho sahetuko sārammaṇo, atthi tassa āvaṭṭanā…pe… paṇidhīti? Āmantā. Rūpaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… adoso sahetuko…pe… amoho… saddhā… vīriyaṃ… sati… samādhi… paññā… lobho… doso… moho… māno… diṭṭhi… vicikicchā… thinaṃ… uddhaccaṃ… ahirikaṃ… anottappaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Āmantā. Rūpaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe….
ರೂಪಂ ಸಹೇತುಕಂ ಅನಾರಮ್ಮಣಂ, ನತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ಆಮನ್ತಾ। ಅಲೋಭೋ ಸಹೇತುಕೋ ಅನಾರಮ್ಮಣೋ, ನತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ನ ಹೇವಂ ವತ್ತಬ್ಬೇ…ಪೇ॰… ರೂಪಂ ಸಹೇತುಕಂ ಅನಾರಮ್ಮಣಂ, ನತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ಆಮನ್ತಾ। ಅದೋಸೋ ಸಹೇತುಕೋ…ಪೇ॰… ಅನೋತ್ತಪ್ಪಂ ಸಹೇತುಕಂ ಅನಾರಮ್ಮಣಂ, ನತ್ಥಿ ತಸ್ಸ ಆವಟ್ಟನಾ…ಪೇ॰… ಪಣಿಧೀತಿ? ನ ಹೇವಂ ವತ್ತಬ್ಬೇ…ಪೇ॰…।
Rūpaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Āmantā. Alobho sahetuko anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe… rūpaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Āmantā. Adoso sahetuko…pe… anottappaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Na hevaṃ vattabbe…pe….
೭೫೯. ನ ವತ್ತಬ್ಬಂ – ‘‘ರೂಪಂ ಸಹೇತುಕ’’ನ್ತಿ? ಆಮನ್ತಾ। ನನು ರೂಪಂ ಸಪ್ಪಚ್ಚಯನ್ತಿ ? ಆಮನ್ತಾ। ಹಞ್ಚಿ ರೂಪಂ ಸಪ್ಪಚ್ಚಯಂ, ತೇನ ವತ ರೇ ವತ್ತಬ್ಬೇ – ‘‘ರೂಪಂ ಸಹೇತುಕ’’ನ್ತಿ।
759. Na vattabbaṃ – ‘‘rūpaṃ sahetuka’’nti? Āmantā. Nanu rūpaṃ sappaccayanti ? Āmantā. Hañci rūpaṃ sappaccayaṃ, tena vata re vattabbe – ‘‘rūpaṃ sahetuka’’nti.
ರೂಪಂ ಸಹೇತುಕನ್ತಿಕಥಾ ನಿಟ್ಠಿತಾ।
Rūpaṃ sahetukantikathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೫. ರೂಪಂ ಹೇತೂತಿಕಥಾವಣ್ಣನಾ • 5. Rūpaṃ hetūtikathāvaṇṇanā
