| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๖. โสฬสมวโคฺค
16. Soḷasamavaggo
(๑๖๑) ๖. รูปํ สเหตุกนฺติกถา
(161) 6. Rūpaṃ sahetukantikathā
๗๕๗. รูปํ สเหตุกนฺติ? อามนฺตาฯ อโลภเหตุนาติ? น เหวํ วตฺตเพฺพ…เป.… อโทสเหตุนาติ …เป.… อโมหเหตุนาติ…เป.… โลภเหตุนา…เป.… โทสเหตุนา…เป.… โมหเหตุนาติ? น เหวํ วตฺตเพฺพ…เป.…ฯ
757. Rūpaṃ sahetukanti? Āmantā. Alobhahetunāti? Na hevaṃ vattabbe…pe… adosahetunāti …pe… amohahetunāti…pe… lobhahetunā…pe… dosahetunā…pe… mohahetunāti? Na hevaṃ vattabbe…pe….
รูปํ สเหตุกนฺติ? อามนฺตาฯ สารมฺมณํ, อตฺถิ ตสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.… นนุ อนารมฺมณํ, นตฺถิ ตสฺส อาวฎฺฎนา…เป.… ปณิธีติ? อามนฺตาฯ หญฺจิ อนารมฺมณํ, นตฺถิ ตสฺส อาวฎฺฎนา…เป.… ปณิธิ, โน จ วต เร วตฺตเพฺพ – ‘‘รูปํ สเหตุก’’นฺติฯ
Rūpaṃ sahetukanti? Āmantā. Sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… nanu anārammaṇaṃ, natthi tassa āvaṭṭanā…pe… paṇidhīti? Āmantā. Hañci anārammaṇaṃ, natthi tassa āvaṭṭanā…pe… paṇidhi, no ca vata re vattabbe – ‘‘rūpaṃ sahetuka’’nti.
๗๕๘. อโลโภ สเหตุโก สารมฺมโณ, อตฺถิ ตสฺส อาวฎฺฎนา…เป.… ปณิธีติ? อามนฺตาฯ รูปํ สเหตุกํ สารมฺมณํ, อตฺถิ ตสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.… อโทโส สเหตุโก…เป.… อโมโห… สทฺธา… วีริยํ… สติ… สมาธิ… ปญฺญา… โลโภ… โทโส… โมโห… มาโน… ทิฎฺฐิ… วิจิกิจฺฉา… ถินํ… อุทฺธจฺจํ… อหิริกํ… อโนตฺตปฺปํ สเหตุกํ สารมฺมณํ, อตฺถิ ตสฺส อาวฎฺฎนา…เป.… ปณิธีติ? อามนฺตาฯ รูปํ สเหตุกํ สารมฺมณํ, อตฺถิ ตสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.…ฯ
758. Alobho sahetuko sārammaṇo, atthi tassa āvaṭṭanā…pe… paṇidhīti? Āmantā. Rūpaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… adoso sahetuko…pe… amoho… saddhā… vīriyaṃ… sati… samādhi… paññā… lobho… doso… moho… māno… diṭṭhi… vicikicchā… thinaṃ… uddhaccaṃ… ahirikaṃ… anottappaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Āmantā. Rūpaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe….
รูปํ สเหตุกํ อนารมฺมณํ, นตฺถิ ตสฺส อาวฎฺฎนา…เป.… ปณิธีติ? อามนฺตาฯ อโลโภ สเหตุโก อนารมฺมโณ, นตฺถิ ตสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.… รูปํ สเหตุกํ อนารมฺมณํ, นตฺถิ ตสฺส อาวฎฺฎนา…เป.… ปณิธีติ? อามนฺตาฯ อโทโส สเหตุโก…เป.… อโนตฺตปฺปํ สเหตุกํ อนารมฺมณํ, นตฺถิ ตสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.…ฯ
Rūpaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Āmantā. Alobho sahetuko anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe… rūpaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Āmantā. Adoso sahetuko…pe… anottappaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Na hevaṃ vattabbe…pe….
๗๕๙. น วตฺตพฺพํ – ‘‘รูปํ สเหตุก’’นฺติ? อามนฺตาฯ นนุ รูปํ สปฺปจฺจยนฺติ ? อามนฺตาฯ หญฺจิ รูปํ สปฺปจฺจยํ, เตน วต เร วตฺตเพฺพ – ‘‘รูปํ สเหตุก’’นฺติฯ
759. Na vattabbaṃ – ‘‘rūpaṃ sahetuka’’nti? Āmantā. Nanu rūpaṃ sappaccayanti ? Āmantā. Hañci rūpaṃ sappaccayaṃ, tena vata re vattabbe – ‘‘rūpaṃ sahetuka’’nti.
รูปํ สเหตุกนฺติกถา นิฎฺฐิตาฯ
Rūpaṃ sahetukantikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๕. รูปํ เหตูติกถาวณฺณนา • 5. Rūpaṃ hetūtikathāvaṇṇanā
