| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೬. ಸೋಳಸಮವಗ್ಗೋ
16. Soḷasamavaggo
(೧೬೪) ೯. ರೂಪಂ ರೂಪಾವಚರಾರೂಪಾವಚರನ್ತಿಕಥಾ
(164) 9. Rūpaṃ rūpāvacarārūpāvacarantikathā
೭೬೮. ಅತ್ಥಿ ರೂಪಂ ರೂಪಾವಚರನ್ತಿ? ಆಮನ್ತಾ। ಸಮಾಪತ್ತೇಸಿಯಂ ಉಪಪತ್ತೇಸಿಯಂ ದಿಟ್ಠಧಮ್ಮಸುಖವಿಹಾರಂ, ಸಮಾಪತ್ತೇಸಿಯೇನ ಚಿತ್ತೇನ ಉಪಪತ್ತೇಸಿಯೇನ ಚಿತ್ತೇನ ದಿಟ್ಠಧಮ್ಮಸುಖವಿಹಾರೇನ ಚಿತ್ತೇನ ಸಹಗತಂ ಸಹಜಾತಂ ಸಂಸಟ್ಠಂ ಸಮ್ಪಯುತ್ತಂ ಏಕುಪ್ಪಾದಂ ಏಕನಿರೋಧಂ ಏಕವತ್ಥುಕಂ ಏಕಾರಮ್ಮಣನ್ತಿ? ನ ಹೇವಂ ವತ್ತಬ್ಬೇ…ಪೇ॰… ನನು ನ ಸಮಾಪತ್ತೇಸಿಯಂ ನ ಉಪಪತ್ತೇಸಿಯಂ ನ ದಿಟ್ಠಧಮ್ಮಸುಖವಿಹಾರಂ, ನ ಸಮಾಪತ್ತೇಸಿಯೇನ ಚಿತ್ತೇನ ನ ಉಪಪತ್ತೇಸಿಯೇನ ಚಿತ್ತೇನ ನ ದಿಟ್ಠಧಮ್ಮಸುಖವಿಹಾರೇನ ಚಿತ್ತೇನ ಸಹಗತಂ ಸಹಜಾತಂ ಸಂಸಟ್ಠಂ ಸಮ್ಪಯುತ್ತಂ ಏಕುಪ್ಪಾದಂ ಏಕನಿರೋಧಂ ಏಕವತ್ಥುಕಂ ಏಕಾರಮ್ಮಣನ್ತಿ? ಆಮನ್ತಾ। ಹಞ್ಚಿ ನ ಸಮಾಪತ್ತೇಸಿಯಂ ನ ಉಪಪತ್ತೇಸಿಯಂ ನ ದಿಟ್ಠಧಮ್ಮಸುಖವಿಹಾರಂ, ನ ಸಮಾಪತ್ತೇಸಿಯೇನ ಚಿತ್ತೇನ…ಪೇ॰… ಏಕಾರಮ್ಮಣಂ, ನೋ ಚ ವತ ರೇ ವತ್ತಬ್ಬೇ – ‘‘ಅತ್ಥಿ ರೂಪಂ ರೂಪಾವಚರ’’ನ್ತಿ।
768. Atthi rūpaṃ rūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena na upapattesiyena cittena na diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Āmantā. Hañci na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena…pe… ekārammaṇaṃ, no ca vata re vattabbe – ‘‘atthi rūpaṃ rūpāvacara’’nti.
೭೬೯. ಅತ್ಥಿ ರೂಪಂ ಅರೂಪಾವಚರನ್ತಿ? ಆಮನ್ತಾ। ಸಮಾಪತ್ತೇಸಿಯಂ ಉಪಪತ್ತೇಸಿಯಂ ದಿಟ್ಠಧಮ್ಮಸುಖವಿಹಾರಂ, ಸಮಾಪತ್ತೇಸಿಯೇನ ಚಿತ್ತೇನ ಉಪಪತ್ತೇಸಿಯೇನ ಚಿತ್ತೇನ ದಿಟ್ಠಧಮ್ಮಸುಖವಿಹಾರೇನ ಚಿತ್ತೇನ ಸಹಗತಂ ಸಹಜಾತಂ ಸಂಸಟ್ಠಂ ಸಮ್ಪಯುತ್ತಂ ಏಕುಪ್ಪಾದಂ ಏಕನಿರೋಧಂ ಏಕವತ್ಥುಕಂ ಏಕಾರಮ್ಮಣನ್ತಿ? ನ ಹೇವಂ ವತ್ತಬ್ಬೇ…ಪೇ॰… ನನು ನ ಸಮಾಪತ್ತೇಸಿಯಂ ನ ಉಪಪತ್ತೇಸಿಯಂ ನ ದಿಟ್ಠಧಮ್ಮಸುಖವಿಹಾರಂ, ನ ಸಮಾಪತ್ತೇಸಿಯೇನ ಚಿತ್ತೇನ …ಪೇ॰… ಏಕಾರಮ್ಮಣನ್ತಿ? ಆಮನ್ತಾ। ಹಞ್ಚಿ ನ ಸಮಾಪತ್ತೇಸಿಯಂ ನ ಉಪಪತ್ತೇಸಿಯಂ…ಪೇ॰… ಏಕವತ್ಥುಕಂ ಏಕಾರಮ್ಮಣಂ, ನೋ ಚ ವತ ರೇ ವತ್ತಬ್ಬೇ – ‘‘ಅತ್ಥಿ ರೂಪಂ ಅರೂಪಾವಚರ’’ನ್ತಿ।
769. Atthi rūpaṃ arūpāvacaranti? Āmantā. Samāpattesiyaṃ upapattesiyaṃ diṭṭhadhammasukhavihāraṃ, samāpattesiyena cittena upapattesiyena cittena diṭṭhadhammasukhavihārena cittena sahagataṃ sahajātaṃ saṃsaṭṭhaṃ sampayuttaṃ ekuppādaṃ ekanirodhaṃ ekavatthukaṃ ekārammaṇanti? Na hevaṃ vattabbe…pe… nanu na samāpattesiyaṃ na upapattesiyaṃ na diṭṭhadhammasukhavihāraṃ, na samāpattesiyena cittena …pe… ekārammaṇanti? Āmantā. Hañci na samāpattesiyaṃ na upapattesiyaṃ…pe… ekavatthukaṃ ekārammaṇaṃ, no ca vata re vattabbe – ‘‘atthi rūpaṃ arūpāvacara’’nti.
೭೭೦. ನ ವತ್ತಬ್ಬಂ – ‘‘ಅತ್ಥಿ ರೂಪಂ ರೂಪಾವಚರಂ, ಅತ್ಥಿ ರೂಪಂ ಅರೂಪಾವಚರ’’ನ್ತಿ? ಆಮನ್ತಾ। ನನು ಕಾಮಾವಚರಕಮ್ಮಸ್ಸ ಕತತ್ತಾ ರೂಪಂ ಕಾಮಾವಚರನ್ತಿ? ಆಮನ್ತಾ। ಹಞ್ಚಿ ಕಾಮಾವಚರಕಮ್ಮಸ್ಸ ಕತತ್ತಾ ರೂಪಂ ಕಾಮಾವಚರಂ , ತೇನ ವತ ರೇ ವತ್ತಬ್ಬೇ – ‘‘ರೂಪಾವಚರಕಮ್ಮಸ್ಸ ಕತತ್ತಾ ರೂಪಂ ರೂಪಾವಚರಂ, ಅರೂಪಾವಚರಕಮ್ಮಸ್ಸ ಕತತ್ತಾ ರೂಪಂ ಅರೂಪಾವಚರ’’ನ್ತಿ।
770. Na vattabbaṃ – ‘‘atthi rūpaṃ rūpāvacaraṃ, atthi rūpaṃ arūpāvacara’’nti? Āmantā. Nanu kāmāvacarakammassa katattā rūpaṃ kāmāvacaranti? Āmantā. Hañci kāmāvacarakammassa katattā rūpaṃ kāmāvacaraṃ , tena vata re vattabbe – ‘‘rūpāvacarakammassa katattā rūpaṃ rūpāvacaraṃ, arūpāvacarakammassa katattā rūpaṃ arūpāvacara’’nti.
ರೂಪಂ ರೂಪಾವಚರಾರೂಪಾವಚರನ್ತಿಕಥಾ ನಿಟ್ಠಿತಾ।
Rūpaṃ rūpāvacarārūpāvacarantikathā niṭṭhitā.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೯. ರೂಪಂ ರೂಪಾವಚರಾರೂಪಾವಚರನ್ತಿಕಥಾವಣ್ಣನಾ • 9. Rūpaṃ rūpāvacarārūpāvacarantikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೯. ರೂಪಂರೂಪಾವಚರಾರೂಪಾವಚರನ್ತಿಕಥಾವಣ್ಣನಾ • 9. Rūpaṃrūpāvacarārūpāvacarantikathāvaṇṇanā
