| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೭. ರೂಪಂ ಕುಸಲಾಕುಸಲನ್ತಿಕಥಾವಣ್ಣನಾ
7. Rūpaṃ kusalākusalantikathāvaṇṇanā
೭೬೦-೭೬೪. ಇದಾನಿ ರೂಪಂ ಕುಸಲಾಕುಸಲನ್ತಿಕಥಾ ನಾಮ ಹೋತಿ। ತತ್ಥ ‘‘ಕಾಯಕಮ್ಮಂ ವಚೀಕಮ್ಮಂ ಕುಸಲಮ್ಪಿ ಅಕುಸಲಮ್ಪೀ’’ತಿವಚನಂ ನಿಸ್ಸಾಯ ಕಾಯವಚೀಕಮ್ಮಸಙ್ಖಾತಂ ಕಾಯವಿಞ್ಞತ್ತಿವಚೀವಿಞ್ಞತ್ತಿರೂಪಂ ಕುಸಲಮ್ಪಿ ಅಕುಸಲಮ್ಪೀತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಮಹಿಸಾಸಕಾನಞ್ಚೇವ ಸಮ್ಮಿತಿಯಾನಞ್ಚ; ತೇ ಸನ್ಧಾಯ ರೂಪಂ ಕುಸಲನ್ತಿ ಪುಚ್ಛಾ ಸಕವಾದಿಸ್ಸ ಪಟಿಞ್ಞಾ ಇತರಸ್ಸ। ಅಥ ನಂ ‘‘ಯದಿ ತೇ ರೂಪಂ ಕುಸಲಂ, ಏವಂವಿಧೇನ ಅನೇನ ಭವಿತಬ್ಬ’’ನ್ತಿ ಚೋದೇತುಂ ಸಾರಮ್ಮಣನ್ತಿ ಆದಿಮಾಹ। ಪರತೋ ಅಕುಸಲಪಞ್ಹೇಪಿ ಏಸೇವ ನಯೋ। ಸೇಸಮೇತ್ಥ ಉತ್ತಾನತ್ಥಮೇವಾತಿ।
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
ರೂಪಂ ಕುಸಲಾಕುಸಲನ್ತಿಕಥಾವಣ್ಣನಾ।
Rūpaṃ kusalākusalantikathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೬೨) ೭. ರೂಪಂ ಕುಸಲಾಕುಸಲನ್ತಿಕಥಾ • (162) 7. Rūpaṃ kusalākusalantikathā
