| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౭. రూపం కుసలాకుసలన్తికథావణ్ణనా
7. Rūpaṃ kusalākusalantikathāvaṇṇanā
౭౬౦-౭౬౪. ఇదాని రూపం కుసలాకుసలన్తికథా నామ హోతి. తత్థ ‘‘కాయకమ్మం వచీకమ్మం కుసలమ్పి అకుసలమ్పీ’’తివచనం నిస్సాయ కాయవచీకమ్మసఙ్ఖాతం కాయవిఞ్ఞత్తివచీవిఞ్ఞత్తిరూపం కుసలమ్పి అకుసలమ్పీతి యేసం లద్ధి, సేయ్యథాపి మహిసాసకానఞ్చేవ సమ్మితియానఞ్చ; తే సన్ధాయ రూపం కుసలన్తి పుచ్ఛా సకవాదిస్స పటిఞ్ఞా ఇతరస్స. అథ నం ‘‘యది తే రూపం కుసలం, ఏవంవిధేన అనేన భవితబ్బ’’న్తి చోదేతుం సారమ్మణన్తి ఆదిమాహ. పరతో అకుసలపఞ్హేపి ఏసేవ నయో. సేసమేత్థ ఉత్తానత్థమేవాతి.
760-764. Idāni rūpaṃ kusalākusalantikathā nāma hoti. Tattha ‘‘kāyakammaṃ vacīkammaṃ kusalampi akusalampī’’tivacanaṃ nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi, seyyathāpi mahisāsakānañceva sammitiyānañca; te sandhāya rūpaṃ kusalanti pucchā sakavādissa paṭiññā itarassa. Atha naṃ ‘‘yadi te rūpaṃ kusalaṃ, evaṃvidhena anena bhavitabba’’nti codetuṃ sārammaṇanti ādimāha. Parato akusalapañhepi eseva nayo. Sesamettha uttānatthamevāti.
రూపం కుసలాకుసలన్తికథావణ్ణనా.
Rūpaṃ kusalākusalantikathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౧౬౨) ౭. రూపం కుసలాకుసలన్తికథా • (162) 7. Rūpaṃ kusalākusalantikathā
