| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൫. രുണ്ണസുത്തം
5. Ruṇṇasuttaṃ
൧൦൮. ‘‘രുണ്ണമിദം , ഭിക്ഖവേ, അരിയസ്സ വിനയേ യദിദം ഗീതം. ഉമ്മത്തകമിദം, ഭിക്ഖവേ, അരിയസ്സ വിനയേ യദിദം നച്ചം. കോമാരകമിദം, ഭിക്ഖവേ, അരിയസ്സ വിനയേ യദിദം അതിവേലം ദന്തവിദംസകഹസിതം 1. തസ്മാതിഹ, ഭിക്ഖവേ, സേതുഘാതോ ഗീതേ, സേതുഘാതോ നച്ചേ, അലം വോ ധമ്മപ്പമോദിതാനം സതം സിതം സിതമത്തായാ’’തി. പഞ്ചമം.
108. ‘‘Ruṇṇamidaṃ , bhikkhave, ariyassa vinaye yadidaṃ gītaṃ. Ummattakamidaṃ, bhikkhave, ariyassa vinaye yadidaṃ naccaṃ. Komārakamidaṃ, bhikkhave, ariyassa vinaye yadidaṃ ativelaṃ dantavidaṃsakahasitaṃ 2. Tasmātiha, bhikkhave, setughāto gīte, setughāto nacce, alaṃ vo dhammappamoditānaṃ sataṃ sitaṃ sitamattāyā’’ti. Pañcamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൫. രുണ്ണസുത്തവണ്ണനാ • 5. Ruṇṇasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൪-൯. സമണബ്രാഹ്മണസുത്താദിവണ്ണനാ • 4-9. Samaṇabrāhmaṇasuttādivaṇṇanā
