| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၇. ရောဂသုတ္တဝဏ္ဏနာ
7. Rogasuttavaṇṇanā
၁၅၇. သတ္တမေ ဝိဃာတဝာတိ မဟိစ္ဆာပစ္စယေန ဝိဃာတေန ဒုက္ခေန သမန္နာဂတော။ အသန္တုဋ္ဌောတိ စတူသု ပစ္စယေသု တီဟိ သန္တောသေဟိ အသန္တုဋ္ဌော။ အနဝညပ္ပဋိလာဘာယာတိ ပရေဟိ အနဝဇာနနသ္သ ပဋိလာဘတ္ထာယ။ လာဘသက္ကာရသိလောကပ္ပဋိလာဘာယာတိ သုသင္ခတစတုပစ္စယသင္ခာတသ္သ လာဘသက္ကာရသ္သ စေဝ ဝဏ္ဏဘဏနသင္ခာတသ္သ သိလောကသ္သ စ ပဋိလာဘတ္ထာယ။ သင္ခာယ ကုလာနိ ဥပသင္ကမတီတိ ‘‘ဣတိ မံ ဧတေ ဇာနိသ္သန္တီ’’တိ ဇာနနတ္ထာယ ကုလာနိ ဥပသင္ကမတိ။ သေသပဒေသုပိ ဧသေဝ နယော။
157. Sattame vighātavāti mahicchāpaccayena vighātena dukkhena samannāgato. Asantuṭṭhoti catūsu paccayesu tīhi santosehi asantuṭṭho. Anavaññappaṭilābhāyāti parehi anavajānanassa paṭilābhatthāya. Lābhasakkārasilokappaṭilābhāyāti susaṅkhatacatupaccayasaṅkhātassa lābhasakkārassa ceva vaṇṇabhaṇanasaṅkhātassa silokassa ca paṭilābhatthāya. Saṅkhāya kulāni upasaṅkamatīti ‘‘iti maṃ ete jānissantī’’ti jānanatthāya kulāni upasaṅkamati. Sesapadesupi eseva nayo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. ရောဂသုတ္တံ • 7. Rogasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၆-၈. ကပ္ပသုတ္တာဒိဝဏ္ဏနာ • 6-8. Kappasuttādivaṇṇanā
