| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. ரேணுபூஜகத்தே²ரஅபதா³னங்
10. Reṇupūjakattheraapadānaṃ
62.
62.
‘‘ஸுவண்ணவண்ணங் ஸம்பு³த்³த⁴ங், ஸதரங்ஸிங்வ பா⁴ணுமங்;
‘‘Suvaṇṇavaṇṇaṃ sambuddhaṃ, sataraṃsiṃva bhāṇumaṃ;
ஓபா⁴ஸெந்தங் தி³ஸா ஸப்³பா³, உளுராஜங்வ பூரிதங்.
Obhāsentaṃ disā sabbā, uḷurājaṃva pūritaṃ.
63.
63.
‘‘புரக்க²தங் ஸாவகேஹி, ஸாக³ரேஹேவ மேத³னிங்;
‘‘Purakkhataṃ sāvakehi, sāgareheva medaniṃ;
நாக³ங் பக்³க³ய்ஹ ரேணூஹி, விபஸ்ஸிஸ்ஸாபி⁴ரோபயிங்.
Nāgaṃ paggayha reṇūhi, vipassissābhiropayiṃ.
64.
64.
‘‘ஏகனவுதிதோ கப்பே, யங் ரேணுமபி⁴ரோபயிங்;
‘‘Ekanavutito kappe, yaṃ reṇumabhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
65.
65.
‘‘பண்ணதாலீஸிதோ கப்பே, ரேணு நாமாஸி க²த்தியோ;
‘‘Paṇṇatālīsito kappe, reṇu nāmāsi khattiyo;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
66.
66.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ரேணுபூஜகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā reṇupūjako thero imā gāthāyo abhāsitthāti.
ரேணுபூஜகத்தே²ரஸ்ஸாபதா³னங் த³ஸமங்.
Reṇupūjakattherassāpadānaṃ dasamaṃ.
பி⁴க்க²தா³யிவக்³கோ³ ஏகாத³ஸமோ.
Bhikkhadāyivaggo ekādasamo.
தஸ்ஸுத்³தா³னங் –
Tassuddānaṃ –
பி⁴க்க²தா³யீ ஞாணஸஞ்ஞீ, ஹத்தி²யோ பத³பூஜகோ;
Bhikkhadāyī ñāṇasaññī, hatthiyo padapūjako;
முட்டி²புப்பீ² உத³கதோ³, நளமாலி உபட்ட²கோ;
Muṭṭhipupphī udakado, naḷamāli upaṭṭhako;
பி³ளாலிதா³யீ ரேணு ச, கா³தா²யோ ச² ச ஸட்டி² ச.
Biḷālidāyī reṇu ca, gāthāyo cha ca saṭṭhi ca.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 10. ரேணுபூஜகத்தே²ரஅபதா³னவண்ணனா • 10. Reṇupūjakattheraapadānavaṇṇanā
