| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. រត្តិបុប្ផិយត្ថេរអបទានំ
3. Rattipupphiyattheraapadānaṃ
១៣.
13.
‘‘មិគលុទ្ទោ បុរេ អាសិំ, អរញ្ញេ កាននេ អហំ;
‘‘Migaluddo pure āsiṃ, araññe kānane ahaṃ;
វិបស្សិំ អទ្ទសំ ពុទ្ធំ, ទេវទេវំ នរាសភំ។
Vipassiṃ addasaṃ buddhaṃ, devadevaṃ narāsabhaṃ.
១៤.
14.
‘‘រត្តិកំ បុប្ផិតំ ទិស្វា, កុដជំ ធរណីរុហំ;
‘‘Rattikaṃ pupphitaṃ disvā, kuṭajaṃ dharaṇīruhaṃ;
សមូលំ បគ្គហេត្វាន, ឧបនេសិំ មហេសិនោ។
Samūlaṃ paggahetvāna, upanesiṃ mahesino.
១៥.
15.
‘‘ឯកនវុតិតោ កប្បេ, យំ បុប្ផមភិរោបយិំ;
‘‘Ekanavutito kappe, yaṃ pupphamabhiropayiṃ;
ទុគ្គតិំ នាភិជានាមិ, បុប្ផទានស្សិទំ ផលំ។
Duggatiṃ nābhijānāmi, pupphadānassidaṃ phalaṃ.
១៦.
16.
‘‘ឥតោ ច អដ្ឋមេ កប្បេ, សុប្បសន្នសនាមកោ;
‘‘Ito ca aṭṭhame kappe, suppasannasanāmako;
សត្តរតនសម្បន្នោ, រាជាហោសិំ មហព្ពលោ។
Sattaratanasampanno, rājāhosiṃ mahabbalo.
១៧.
17.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា រត្តិបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā rattipupphiyo thero imā gāthāyo abhāsitthāti.
រត្តិបុប្ផិយត្ថេរស្សាបទានំ តតិយំ។
Rattipupphiyattherassāpadānaṃ tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៣. រត្តិបុប្ផិយត្ថេរអបទានវណ្ណនា • 3. Rattipupphiyattheraapadānavaṇṇanā
