| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨. രഥസുത്തവണ്ണനാ
2. Rathasuttavaṇṇanā
൭൨. ദുതിയേ പഞ്ഞായതി ഏതേനാതി പഞ്ഞാണം. ധജോ രഥസ്സാതി മഹന്തസ്മിം ഹി സങ്ഗാമസീസേ ദൂരതോവ ധജം ദിസ്വാ ‘‘അസുകരഞ്ഞോ നാമ അയം രഥോ’’തി രഥോ പാകടോ ഹോതി. തേന വുത്തം ‘‘ധജോ രഥസ്സ പഞ്ഞാണ’’ന്തി. അഗ്ഗിപി ദൂരതോവ ധൂമേന പഞ്ഞായതി. ചോളരട്ഠം പണ്ഡുരട്ഠന്തി ഏവം രട്ഠമ്പി രഞ്ഞാ പഞ്ഞായതി. ചക്കവത്തിരഞ്ഞോ ധീതാപി പന ഇത്ഥീ ‘‘അസുകസ്സ നാമ ഭരിയാ’’തി ഭത്താരം പത്വാവ പഞ്ഞായതി. തസ്മാ ധൂമോ പഞ്ഞാണമഗ്ഗിനോതിആദി വുത്തം. ദുതിയം.
72. Dutiye paññāyati etenāti paññāṇaṃ. Dhajo rathassāti mahantasmiṃ hi saṅgāmasīse dūratova dhajaṃ disvā ‘‘asukarañño nāma ayaṃ ratho’’ti ratho pākaṭo hoti. Tena vuttaṃ ‘‘dhajo rathassa paññāṇa’’nti. Aggipi dūratova dhūmena paññāyati. Coḷaraṭṭhaṃ paṇḍuraṭṭhanti evaṃ raṭṭhampi raññā paññāyati. Cakkavattirañño dhītāpi pana itthī ‘‘asukassa nāma bhariyā’’ti bhattāraṃ patvāva paññāyati. Tasmā dhūmo paññāṇamagginotiādi vuttaṃ. Dutiyaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. രഥസുത്തം • 2. Rathasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨. രഥസുത്തവണ്ണനാ • 2. Rathasuttavaṇṇanā
