| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༢. རཐསུཏྟཝཎྞནཱ
2. Rathasuttavaṇṇanā
༧༢. དུཏིཡེ པཉྙཱཡཏི ཨེཏེནཱཏི པཉྙཱཎཾ། དྷཛོ རཐསྶཱཏི མཧནྟསྨིཾ ཧི སངྒཱམསཱིསེ དཱུརཏོཝ དྷཛཾ དིསྭཱ ‘‘ཨསུཀརཉྙོ ནཱམ ཨཡཾ རཐོ’’ཏི རཐོ པཱཀཊོ ཧོཏི། ཏེན ཝུཏྟཾ ‘‘དྷཛོ རཐསྶ པཉྙཱཎ’’ནྟི། ཨགྒིཔི དཱུརཏོཝ དྷཱུམེན པཉྙཱཡཏི། ཙོལ༹རཊྛཾ པཎྜུརཊྛནྟི ཨེཝཾ རཊྛམྤི རཉྙཱ པཉྙཱཡཏི། ཙཀྐཝཏྟིརཉྙོ དྷཱིཏཱཔི པན ཨིཏྠཱི ‘‘ཨསུཀསྶ ནཱམ བྷརིཡཱ’’ཏི བྷཏྟཱརཾ པཏྭཱཝ པཉྙཱཡཏི། ཏསྨཱ དྷཱུམོ པཉྙཱཎམགྒིནོཏིཨཱདི ཝུཏྟཾ། དུཏིཡཾ།
72. Dutiye paññāyati etenāti paññāṇaṃ. Dhajo rathassāti mahantasmiṃ hi saṅgāmasīse dūratova dhajaṃ disvā ‘‘asukarañño nāma ayaṃ ratho’’ti ratho pākaṭo hoti. Tena vuttaṃ ‘‘dhajo rathassa paññāṇa’’nti. Aggipi dūratova dhūmena paññāyati. Coḷaraṭṭhaṃ paṇḍuraṭṭhanti evaṃ raṭṭhampi raññā paññāyati. Cakkavattirañño dhītāpi pana itthī ‘‘asukassa nāma bhariyā’’ti bhattāraṃ patvāva paññāyati. Tasmā dhūmo paññāṇamagginotiādi vuttaṃ. Dutiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. རཐསུཏྟཾ • 2. Rathasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. རཐསུཏྟཝཎྞནཱ • 2. Rathasuttavaṇṇanā
