| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨. રથસુત્તવણ્ણના
2. Rathasuttavaṇṇanā
૭૨. દુતિયે પઞ્ઞાયતિ એતેનાતિ પઞ્ઞાણં. ધજો રથસ્સાતિ મહન્તસ્મિં હિ સઙ્ગામસીસે દૂરતોવ ધજં દિસ્વા ‘‘અસુકરઞ્ઞો નામ અયં રથો’’તિ રથો પાકટો હોતિ. તેન વુત્તં ‘‘ધજો રથસ્સ પઞ્ઞાણ’’ન્તિ. અગ્ગિપિ દૂરતોવ ધૂમેન પઞ્ઞાયતિ. ચોળરટ્ઠં પણ્ડુરટ્ઠન્તિ એવં રટ્ઠમ્પિ રઞ્ઞા પઞ્ઞાયતિ. ચક્કવત્તિરઞ્ઞો ધીતાપિ પન ઇત્થી ‘‘અસુકસ્સ નામ ભરિયા’’તિ ભત્તારં પત્વાવ પઞ્ઞાયતિ. તસ્મા ધૂમો પઞ્ઞાણમગ્ગિનોતિઆદિ વુત્તં. દુતિયં.
72. Dutiye paññāyati etenāti paññāṇaṃ. Dhajo rathassāti mahantasmiṃ hi saṅgāmasīse dūratova dhajaṃ disvā ‘‘asukarañño nāma ayaṃ ratho’’ti ratho pākaṭo hoti. Tena vuttaṃ ‘‘dhajo rathassa paññāṇa’’nti. Aggipi dūratova dhūmena paññāyati. Coḷaraṭṭhaṃ paṇḍuraṭṭhanti evaṃ raṭṭhampi raññā paññāyati. Cakkavattirañño dhītāpi pana itthī ‘‘asukassa nāma bhariyā’’ti bhattāraṃ patvāva paññāyati. Tasmā dhūmo paññāṇamagginotiādi vuttaṃ. Dutiyaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. રથસુત્તં • 2. Rathasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨. રથસુત્તવણ્ણના • 2. Rathasuttavaṇṇanā
