| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၅. ရာမဏေယ္ယကသုတ္တံ
5. Rāmaṇeyyakasuttaṃ
၂၆၁. သာဝတ္ထိယံ ဇေတဝနေ။ အထ ခော သက္ကော ဒေဝာနမိန္ဒော ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝန္တံ အဘိဝာဒေတ္ဝာ ဧကမန္တံ အဋ္ဌာသိ။ ဧကမန္တံ ဌိတော ခော သက္ကော ဒေဝာနမိန္ဒော ဘဂဝန္တံ ဧတဒဝောစ – ‘‘ကိံ နု ခော, ဘန္တေ, ဘူမိရာမဏေယ္ယက’’န္တိ?
261. Sāvatthiyaṃ jetavane. Atha kho sakko devānamindo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho sakko devānamindo bhagavantaṃ etadavoca – ‘‘kiṃ nu kho, bhante, bhūmirāmaṇeyyaka’’nti?
‘‘အာရာမစေတ္ယာ ဝနစေတ္ယာ၊ ပောက္ခရညော သုနိမ္မိတာ။
‘‘Ārāmacetyā vanacetyā, pokkharañño sunimmitā;
မနုသ္သရာမဏေယ္ယသ္သ၊ ကလံ နာဂ္ဃန္တိ သောဠသိံ။
Manussarāmaṇeyyassa, kalaṃ nāgghanti soḷasiṃ.
‘‘ဂာမေ ဝာ ယဒိ ဝာရညေ၊ နိန္နေ ဝာ ယဒိ ဝာ ထလေ။
‘‘Gāme vā yadi vāraññe, ninne vā yadi vā thale;
ယတ္ထ အရဟန္တော ဝိဟရန္တိ၊ တံ ဘူမိရာမဏေယ္ယက’’န္တိ။
Yattha arahanto viharanti, taṃ bhūmirāmaṇeyyaka’’nti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ရာမဏေယ္ယကသုတ္တဝဏ္ဏနာ • 5. Rāmaṇeyyakasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. ရာမဏေယ္ယကသုတ္တဝဏ္ဏနာ • 5. Rāmaṇeyyakasuttavaṇṇanā
