| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૫. રામણેય્યકસુત્તં
5. Rāmaṇeyyakasuttaṃ
૨૬૧. સાવત્થિયં જેતવને. અથ ખો સક્કો દેવાનમિન્દો યેન ભગવા તેનુપસઙ્કમિ; ઉપસઙ્કમિત્વા ભગવન્તં અભિવાદેત્વા એકમન્તં અટ્ઠાસિ. એકમન્તં ઠિતો ખો સક્કો દેવાનમિન્દો ભગવન્તં એતદવોચ – ‘‘કિં નુ ખો, ભન્તે, ભૂમિરામણેય્યક’’ન્તિ?
261. Sāvatthiyaṃ jetavane. Atha kho sakko devānamindo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho sakko devānamindo bhagavantaṃ etadavoca – ‘‘kiṃ nu kho, bhante, bhūmirāmaṇeyyaka’’nti?
‘‘આરામચેત્યા વનચેત્યા, પોક્ખરઞ્ઞો સુનિમ્મિતા;
‘‘Ārāmacetyā vanacetyā, pokkharañño sunimmitā;
મનુસ્સરામણેય્યસ્સ, કલં નાગ્ઘન્તિ સોળસિં.
Manussarāmaṇeyyassa, kalaṃ nāgghanti soḷasiṃ.
‘‘ગામે વા યદિ વારઞ્ઞે, નિન્ને વા યદિ વા થલે;
‘‘Gāme vā yadi vāraññe, ninne vā yadi vā thale;
યત્થ અરહન્તો વિહરન્તિ, તં ભૂમિરામણેય્યક’’ન્તિ.
Yattha arahanto viharanti, taṃ bhūmirāmaṇeyyaka’’nti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. રામણેય્યકસુત્તવણ્ણના • 5. Rāmaṇeyyakasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫. રામણેય્યકસુત્તવણ્ણના • 5. Rāmaṇeyyakasuttavaṇṇanā
