| Library / Tipiṭaka / திபிடக • Tipiṭaka / விமானவத்து²பாளி • Vimānavatthupāḷi |
12. ரஜ்ஜுமாலாவிமானவத்து²
12. Rajjumālāvimānavatthu
826.
826.
‘‘அபி⁴க்கந்தேன வண்ணேன, யா த்வங் திட்ட²ஸி தே³வதே;
‘‘Abhikkantena vaṇṇena, yā tvaṃ tiṭṭhasi devate;
ஹத்த²பாதே³ ச விக்³க³ய்ஹ, நச்சஸி ஸுப்பவாதி³தே.
Hatthapāde ca viggayha, naccasi suppavādite.
827.
827.
‘‘தஸ்ஸா தே நச்சமானாய, அங்க³மங்கே³ஹி ஸப்³ப³ஸோ;
‘‘Tassā te naccamānāya, aṅgamaṅgehi sabbaso;
தி³ப்³பா³ ஸத்³தா³ நிச்ச²ரந்தி, ஸவனீயா மனோரமா.
Dibbā saddā niccharanti, savanīyā manoramā.
828.
828.
‘‘தஸ்ஸா தே நச்சமானாய, அங்க³மங்கே³ஹி ஸப்³ப³ஸோ;
‘‘Tassā te naccamānāya, aṅgamaṅgehi sabbaso;
தி³ப்³பா³ க³ந்தா⁴ பவாயந்தி, ஸுசிக³ந்தா⁴ மனோரமா.
Dibbā gandhā pavāyanti, sucigandhā manoramā.
829.
829.
‘‘விவத்தமானா காயேன, யா வேணீஸு பிளந்த⁴னா;
‘‘Vivattamānā kāyena, yā veṇīsu piḷandhanā;
தேஸங் ஸுய்யதி நிக்³கோ⁴ஸோ, துரியே பஞ்சங்கி³கே யதா².
Tesaṃ suyyati nigghoso, turiye pañcaṅgike yathā.
830.
830.
‘‘வடங்ஸகா வாதது⁴தா, வாதேன ஸம்பகம்பிதா;
‘‘Vaṭaṃsakā vātadhutā, vātena sampakampitā;
தேஸங் ஸுய்யதி நிக்³கோ⁴ஸோ, துரியே பஞ்சங்கி³கே யதா².
Tesaṃ suyyati nigghoso, turiye pañcaṅgike yathā.
831.
831.
‘‘யாபி தே ஸிரஸ்மிங் மாலா, ஸுசிக³ந்தா⁴ மனோரமா;
‘‘Yāpi te sirasmiṃ mālā, sucigandhā manoramā;
வாதி க³ந்தோ⁴ தி³ஸா ஸப்³பா³, ருக்கோ² மஞ்ஜூஸகோ யதா².
Vāti gandho disā sabbā, rukkho mañjūsako yathā.
832.
832.
‘‘கா⁴யஸே தங் ஸுசிக³ந்த⁴ங், ரூபங் பஸ்ஸஸி அமானுஸங்;
‘‘Ghāyase taṃ sucigandhaṃ, rūpaṃ passasi amānusaṃ;
தே³வதே புச்சி²தாசிக்க², கிஸ்ஸ கம்மஸ்ஸித³ங் ப²ல’’ந்தி.
Devate pucchitācikkha, kissa kammassidaṃ phala’’nti.
833.
833.
‘‘தா³ஸீ அஹங் புரே ஆஸிங், க³யாயங் ப்³ராஹ்மணஸ்ஸஹங்;
‘‘Dāsī ahaṃ pure āsiṃ, gayāyaṃ brāhmaṇassahaṃ;
834.
834.
835.
835.
‘‘விபதே² குடங் நிக்கி²பித்வா, வனஸண்ட³ங் உபாக³மிங்;
‘‘Vipathe kuṭaṃ nikkhipitvā, vanasaṇḍaṃ upāgamiṃ;
836.
836.
‘‘த³ள்ஹங் பாஸங் கரித்வான, ஆஸும்பி⁴த்வான பாத³பே;
‘‘Daḷhaṃ pāsaṃ karitvāna, āsumbhitvāna pādape;
ததோ தி³ஸா விலோகேஸிங்,கோ நு கோ² வனமஸ்ஸிதோ.
Tato disā vilokesiṃ,ko nu kho vanamassito.
837.
837.
‘‘தத்த²த்³த³ஸாஸிங் ஸம்பு³த்³த⁴ங், ஸப்³ப³லோகஹிதங் முனிங்;
‘‘Tatthaddasāsiṃ sambuddhaṃ, sabbalokahitaṃ muniṃ;
நிஸின்னங் ருக்க²மூலஸ்மிங், ஜா²யந்தங் அகுதோப⁴யங்.
Nisinnaṃ rukkhamūlasmiṃ, jhāyantaṃ akutobhayaṃ.
838.
838.
‘‘தஸ்ஸா மே அஹு ஸங்வேகோ³, அப்³பு⁴தோ லோமஹங்ஸனோ;
‘‘Tassā me ahu saṃvego, abbhuto lomahaṃsano;
கோ நு கோ² வனமஸ்ஸிதோ, மனுஸ்ஸோ உதா³ஹு தே³வதா.
Ko nu kho vanamassito, manusso udāhu devatā.
839.
839.
‘‘பாஸாதி³கங் பஸாத³னீயங், வனா நிப்³ப³னமாக³தங்;
‘‘Pāsādikaṃ pasādanīyaṃ, vanā nibbanamāgataṃ;
தி³ஸ்வா மனோ மே பஸீதி³, நாயங் யாதி³ஸகீதி³ஸோ.
Disvā mano me pasīdi, nāyaṃ yādisakīdiso.
840.
840.
‘‘கு³த்திந்த்³ரியோ ஜா²னரதோ, அப³ஹிக்³க³தமானஸோ;
‘‘Guttindriyo jhānarato, abahiggatamānaso;
ஹிதோ ஸப்³ப³ஸ்ஸ லோகஸ்ஸ, பு³த்³தோ⁴ அயங் 11 ப⁴விஸ்ஸதி.
Hito sabbassa lokassa, buddho ayaṃ 12 bhavissati.
841.
841.
‘‘ப⁴யபே⁴ரவோ து³ராஸதோ³, ஸீஹோவ கு³ஹமஸ்ஸிதோ;
‘‘Bhayabheravo durāsado, sīhova guhamassito;
து³ல்லபா⁴யங் த³ஸ்ஸனாய, புப்ப²ங் ஓது³ம்ப³ரங் யதா².
Dullabhāyaṃ dassanāya, pupphaṃ odumbaraṃ yathā.
842.
842.
‘‘ஸோ மங் முதூ³ஹி வாசாஹி, ஆலபித்வா ததா²க³தோ;
‘‘So maṃ mudūhi vācāhi, ālapitvā tathāgato;
ரஜ்ஜுமாலேதி மங்வோச, ஸரணங் க³ச்ச² ததா²க³தங்.
Rajjumāleti maṃvoca, saraṇaṃ gaccha tathāgataṃ.
843.
843.
‘‘தாஹங் கி³ரங் ஸுணித்வான, நேலங் அத்த²வதிங் ஸுசிங்;
‘‘Tāhaṃ giraṃ suṇitvāna, nelaṃ atthavatiṃ suciṃ;
ஸண்ஹங் முது³ஞ்ச வக்³கு³ஞ்ச, ஸப்³ப³ஸோகாபனூத³னங்.
Saṇhaṃ muduñca vagguñca, sabbasokāpanūdanaṃ.
844.
844.
‘‘கல்லசித்தஞ்ச மங் ஞத்வா, பஸன்னங் ஸுத்³த⁴மானஸங்;
‘‘Kallacittañca maṃ ñatvā, pasannaṃ suddhamānasaṃ;
ஹிதோ ஸப்³ப³ஸ்ஸ லோகஸ்ஸ, அனுஸாஸி ததா²க³தோ.
Hito sabbassa lokassa, anusāsi tathāgato.
845.
845.
‘‘இத³ங் து³க்க²ந்தி மங்வோச, அயங் து³க்க²ஸ்ஸ ஸம்ப⁴வோ;
‘‘Idaṃ dukkhanti maṃvoca, ayaṃ dukkhassa sambhavo;
846.
846.
‘‘அனுகம்பகஸ்ஸ குஸலஸ்ஸ, ஓவாத³ம்ஹி அஹங் டி²தா;
‘‘Anukampakassa kusalassa, ovādamhi ahaṃ ṭhitā;
அஜ்ஜ²கா³ அமதங் ஸந்திங், நிப்³பா³னங் பத³மச்சுதங்.
Ajjhagā amataṃ santiṃ, nibbānaṃ padamaccutaṃ.
847.
847.
‘‘ஸாஹங் அவட்டி²தாபேமா, த³ஸ்ஸனே அவிகம்பினீ;
‘‘Sāhaṃ avaṭṭhitāpemā, dassane avikampinī;
மூலஜாதாய ஸத்³தா⁴ய, தீ⁴தா பு³த்³த⁴ஸ்ஸ ஓரஸா.
Mūlajātāya saddhāya, dhītā buddhassa orasā.
848.
848.
‘‘ஸாஹங் ரமாமி கீளாமி, மோதா³மி அகுதோப⁴யா;
‘‘Sāhaṃ ramāmi kīḷāmi, modāmi akutobhayā;
தி³ப்³ப³மாலங் தா⁴ரயாமி, பிவாமி மது⁴மத்³த³வங்.
Dibbamālaṃ dhārayāmi, pivāmi madhumaddavaṃ.
849.
849.
‘‘ஸட்டி²துரியஸஹஸ்ஸானி, படிபோ³த⁴ங் கரொந்தி மே;
‘‘Saṭṭhituriyasahassāni, paṭibodhaṃ karonti me;
ஆளம்போ³ க³க்³க³ரோ பீ⁴மோ, ஸாது⁴வாதீ³ ச ஸங்ஸயோ.
Āḷambo gaggaro bhīmo, sādhuvādī ca saṃsayo.
850.
850.
‘‘பொக்க²ரோ ச ஸுப²ஸ்ஸோ ச, வீணாமொக்கா² ச நாரியோ;
‘‘Pokkharo ca suphasso ca, vīṇāmokkhā ca nāriyo;
நந்தா³ சேவ ஸுனந்தா³ ச, ஸோணதி³ன்னா ஸுசிம்ஹிதா.
Nandā ceva sunandā ca, soṇadinnā sucimhitā.
851.
851.
852.
852.
‘‘ஏதா சஞ்ஞா ச ஸெய்யாஸே, அச்ச²ரானங் பபோ³தி⁴கா;
‘‘Etā caññā ca seyyāse, accharānaṃ pabodhikā;
தா மங் காலேனுபாக³ந்த்வா, அபி⁴பா⁴ஸந்தி தே³வதா.
Tā maṃ kālenupāgantvā, abhibhāsanti devatā.
853.
853.
‘‘ஹந்த³ நச்சாம கா³யாம, ஹந்த³ தங் ரமயாமஸே;
‘‘Handa naccāma gāyāma, handa taṃ ramayāmase;
நயித³ங் அகதபுஞ்ஞானங், கதபுஞ்ஞானமேவித³ங்.
Nayidaṃ akatapuññānaṃ, katapuññānamevidaṃ.
854.
854.
‘‘அஸோகங் நந்த³னங் ரம்மங், தித³ஸானங் மஹாவனங்;
‘‘Asokaṃ nandanaṃ rammaṃ, tidasānaṃ mahāvanaṃ;
ஸுக²ங் அகதபுஞ்ஞானங், இத⁴ நத்தி² பரத்த² ச.
Sukhaṃ akatapuññānaṃ, idha natthi parattha ca.
855.
855.
‘‘ஸுக²ஞ்ச கதபுஞ்ஞானங், இத⁴ சேவ பரத்த² ச;
‘‘Sukhañca katapuññānaṃ, idha ceva parattha ca;
தேஸங் ஸஹப்³யகாமானங், கத்தப்³ப³ங் குஸலங் ப³ஹுங்;
Tesaṃ sahabyakāmānaṃ, kattabbaṃ kusalaṃ bahuṃ;
கதபுஞ்ஞா ஹி மோத³ந்தி, ஸக்³கே³ போ⁴க³ஸமங்கி³னோ.
Katapuññā hi modanti, sagge bhogasamaṅgino.
856.
856.
‘‘ப³ஹூனங் வத அத்தா²ய, உப்பஜ்ஜந்தி ததா²க³தா;
‘‘Bahūnaṃ vata atthāya, uppajjanti tathāgatā;
த³க்கி²ணெய்யா மனுஸ்ஸானங், புஞ்ஞகெ²த்தானமாகரா;
Dakkhiṇeyyā manussānaṃ, puññakhettānamākarā;
யத்த² காரங் கரித்வான, ஸக்³கே³ மோத³ந்தி தா³யகா’’தி.
Yattha kāraṃ karitvāna, sagge modanti dāyakā’’ti.
ரஜ்ஜுமாலாவிமானங் த்³வாத³ஸமங்.
Rajjumālāvimānaṃ dvādasamaṃ.
மஞ்ஜிட்ட²கவக்³கோ³ சதுத்தோ² நிட்டி²தோ.
Mañjiṭṭhakavaggo catuttho niṭṭhito.
தஸ்ஸுத்³தா³னங் –
Tassuddānaṃ –
மஞ்ஜிட்டா² பப⁴ஸ்ஸரா நாகா³, அலோமாகஞ்ஜிகதா³யிகா;
Mañjiṭṭhā pabhassarā nāgā, alomākañjikadāyikā;
விஹாரசதுரித்த²ம்பா³, பீதா உச்சு²வந்த³னரஜ்ஜுமாலா ச;
Vihāracaturitthambā, pītā ucchuvandanarajjumālā ca;
வக்³கோ³ தேன பவுச்சதீதி.
Vaggo tena pavuccatīti.
இத்தி²விமானங் ஸமத்தங்.
Itthivimānaṃ samattaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / விமானவத்து²-அட்ட²கதா² • Vimānavatthu-aṭṭhakathā / 12. ரஜ்ஜுமாலாவிமானவண்ணனா • 12. Rajjumālāvimānavaṇṇanā
