| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๕. ราชเนฺตปุรปฺปเวสนสุตฺตวณฺณนา
5. Rājantepurappavesanasuttavaṇṇanā
๔๕. ปญฺจเม กตํ วา กริสฺสนฺติ วาติ เมถุนวีติกฺกมํ กริํสุ วา กริสฺสนฺติ วาฯ รตนนฺติ มณิรตนาทีสุ ยํกิญฺจิฯ ปเตฺถตีติ มาเรตุํ อิจฺฉติฯ หตฺถิสมฺพาธนฺติ หตฺถีหิ สมฺพาธํ ฯ หตฺถิสมฺมทฺทนฺติ วา ปาโฐ, ตสฺสโตฺถ – หตฺถีหิ สมฺมโทฺท เอตฺถาติ หตฺถิสมฺมทฺทํฯ เสเสสุปิ เอเสว นโยฯ รชนียานิ รูปสทฺทคนฺธรสโผฎฺฐพฺพานีติ เอตานิ ราคชนกานิ รูปาทีนิ ตตฺถ ปริปูรานิ โหนฺติฯ
45. Pañcame kataṃ vā karissanti vāti methunavītikkamaṃ kariṃsu vā karissanti vā. Ratananti maṇiratanādīsu yaṃkiñci. Patthetīti māretuṃ icchati. Hatthisambādhanti hatthīhi sambādhaṃ . Hatthisammaddanti vā pāṭho, tassattho – hatthīhi sammaddo etthāti hatthisammaddaṃ. Sesesupi eseva nayo. Rajanīyāni rūpasaddagandharasaphoṭṭhabbānīti etāni rāgajanakāni rūpādīni tattha paripūrāni honti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๕. ราชเนฺตปุรปฺปเวสนสุตฺตํ • 5. Rājantepurappavesanasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๘. วิวาทสุตฺตาทิวณฺณนา • 1-8. Vivādasuttādivaṇṇanā
