| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
(၉) ၄. ထေရဝဂ္ဂော
(9) 4. Theravaggo
၁-၂. ရဇနီယသုတ္တာဒိဝဏ္ဏနာ
1-2. Rajanīyasuttādivaṇṇanā
၈၁-၈၂. စတုတ္ထသ္သ ပဌမံ သုဝိညေယ္ယမေဝ။ ဒုတိယေ ဂုဏမက္ခနာယ ပဝတ္တောပိ အတ္တနော ကာရကံ ဂူထေန ပဟရန္တံ ဂူထော ဝိယ ပဌမတရံ မက္ခေတီတိ မက္ခော, သော ဧတသ္သ အတ္ထီတိ မက္ခီ။ ပဠာသတီတိ ပဠာသော, ပရသ္သ ဂုဏေ ဍံသိတ္ဝာ ဝိယ အပနေတီတိ အတ္ထော။ သော ဧတသ္သ အတ္ထီတိ ပဠာသီ။ ပဠာသီ ပုဂ္ဂလော ဟိ ဒုတိယသ္သ ဓုရံ န ဒေတိ, သမ္ပသာရေတ္ဝာ တိဋ္ဌတိ။ တေနာဟ ‘‘ယုဂဂ္ဂာဟလက္ခဏေန ပဠာသေန သမန္နာဂတော’’တိ။
81-82. Catutthassa paṭhamaṃ suviññeyyameva. Dutiye guṇamakkhanāya pavattopi attano kārakaṃ gūthena paharantaṃ gūtho viya paṭhamataraṃ makkhetīti makkho, so etassa atthīti makkhī. Paḷāsatīti paḷāso, parassa guṇe ḍaṃsitvā viya apanetīti attho. So etassa atthīti paḷāsī. Paḷāsī puggalo hi dutiyassa dhuraṃ na deti, sampasāretvā tiṭṭhati. Tenāha ‘‘yugaggāhalakkhaṇena paḷāsena samannāgato’’ti.
ရဇနီယသုတ္တာဒိဝဏ္ဏနာ နိဋ္ဌိတာ။
Rajanīyasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၁. ရဇနီယသုတ္တံ • 1. Rajanīyasuttaṃ
၂. ဝီတရာဂသုတ္တံ • 2. Vītarāgasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၁. ရဇနီယသုတ္တဝဏ္ဏနာ • 1. Rajanīyasuttavaṇṇanā
၂. ဝီတရာဂသုတ္တဝဏ္ဏနာ • 2. Vītarāgasuttavaṇṇanā
