| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪. ਰਜਨਨਿਦ੍ਦੇਸવਣ੍ਣਨਾ
4. Rajananiddesavaṇṇanā
੫੮. ਇਦਾਨਿ ਤੇਸਂ ਚੀવਰਾਨਂ ਰਜਨવਿਧਾਨਂ ਦਸ੍ਸੇਤੁਂ ‘‘ਰਜਨਾਨਿ ਚਾ’’ਤਿ વੁਤ੍ਤਂ। ਤਤ੍ਥ ‘‘ਅਨੁਜਾਨਾਮਿ, ਭਿਕ੍ਖવੇ, ਛ ਰਜਨਾਨਿ ਮੂਲਰਜਨਂ ਖਨ੍ਧਰਜਨਂ ਤਚਰਜਨਂ ਪਤ੍ਤਰਜਨਂ ਪੁਪ੍ਫਰਜਨਂ ਫਲਰਜਨ’’ਨ੍ਤਿ (ਮਹਾવ॰ ੩੪੪) ਏવਂ ਭਗવਤਾ ਅਨੁਞ੍ਞਾਤਤ੍ਤਾ ‘‘ਛਪ੍ਪਕਾਰਾਨਿ ਅਨੁਞ੍ਞਾਤਾਨਿ ਸਤ੍ਥੁਨਾ’’ਤਿ વੁਤ੍ਤਂ।
58. Idāni tesaṃ cīvarānaṃ rajanavidhānaṃ dassetuṃ ‘‘rajanāni cā’’ti vuttaṃ. Tattha ‘‘anujānāmi, bhikkhave, cha rajanāni mūlarajanaṃ khandharajanaṃ tacarajanaṃ pattarajanaṃ puppharajanaṃ phalarajana’’nti (mahāva. 344) evaṃ bhagavatā anuññātattā ‘‘chappakārāni anuññātāni satthunā’’ti vuttaṃ.
੫੯. ਤਤ੍ਥ ਮੂਲੇਤਿ ਮੂਲਰਜਨੇਤਿ ਅਤ੍ਥੋ। ਹਲਿਦ੍ਦਿਂ વਿવਜ੍ਜਿਯ ਸਬ੍ਬਂ ਲਬ੍ਭਨ੍ਤਿ ਸਮ੍ਬਨ੍ਧੋ। ਏવਂ ਸੇਸੇਸੁਪਿ। ਤੁਙ੍ਗਹਾਰਕੋ ਨਾਮ ਏਕੋ ਸਕਣ੍ਟਕਰੁਕ੍ਖੋ, ਤਸ੍ਸ ਹਰਿਤਾਲવਣ੍ਣਂ ਖਨ੍ਧਰਜਨਂ ਹੋਤਿ। ਗਿਹਿਪਰਿਭੁਤ੍ਤਂ ਪਨ ਅਲ੍ਲਿਪਤ੍ਤੇਨ ਏਕવਾਰਂ ਰਜਿਤੁਂ વਟ੍ਟਤਿ। ਫਲਰਜਨੇ ਅਕਪ੍ਪਿਯਂ ਨਾਮ ਨਤ੍ਥਿ, ਸਬ੍ਬਂ વਟ੍ਟਤੀਤਿ। ਰਜਨવਿਨਿਚ੍ਛਯੋ।
59. Tattha mūleti mūlarajaneti attho. Haliddiṃ vivajjiya sabbaṃ labbhanti sambandho. Evaṃ sesesupi. Tuṅgahārako nāma eko sakaṇṭakarukkho, tassa haritālavaṇṇaṃ khandharajanaṃ hoti. Gihiparibhuttaṃ pana allipattena ekavāraṃ rajituṃ vaṭṭati. Phalarajane akappiyaṃ nāma natthi, sabbaṃ vaṭṭatīti. Rajanavinicchayo.
ਰਜਨਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Rajananiddesavaṇṇanā niṭṭhitā.
