| Library / Tipiṭaka / ติปิฎก • Tipiṭaka / ขุทฺทสิกฺขา-มูลสิกฺขา • Khuddasikkhā-mūlasikkhā |
๔. รชนนิเทฺทสวณฺณนา
4. Rajananiddesavaṇṇanā
๕๘. อิทานิ เตสํ จีวรานํ รชนวิธานํ ทเสฺสตุํ ‘‘รชนานิ จา’’ติ วุตฺตํฯ ตตฺถ ‘‘อนุชานามิ, ภิกฺขเว, ฉ รชนานิ มูลรชนํ ขนฺธรชนํ ตจรชนํ ปตฺตรชนํ ปุปฺผรชนํ ผลรชน’’นฺติ (มหาว. ๓๔๔) เอวํ ภควตา อนุญฺญาตตฺตา ‘‘ฉปฺปการานิ อนุญฺญาตานิ สตฺถุนา’’ติ วุตฺตํฯ
58. Idāni tesaṃ cīvarānaṃ rajanavidhānaṃ dassetuṃ ‘‘rajanāni cā’’ti vuttaṃ. Tattha ‘‘anujānāmi, bhikkhave, cha rajanāni mūlarajanaṃ khandharajanaṃ tacarajanaṃ pattarajanaṃ puppharajanaṃ phalarajana’’nti (mahāva. 344) evaṃ bhagavatā anuññātattā ‘‘chappakārāni anuññātāni satthunā’’ti vuttaṃ.
๕๙. ตตฺถ มูเลติ มูลรชเนติ อโตฺถฯ หลิทฺทิํ วิวชฺชิย สพฺพํ ลพฺภนฺติ สมฺพโนฺธฯ เอวํ เสเสสุปิฯ ตุงฺคหารโก นาม เอโก สกณฺฎกรุโกฺข, ตสฺส หริตาลวณฺณํ ขนฺธรชนํ โหติฯ คิหิปริภุตฺตํ ปน อลฺลิปเตฺตน เอกวารํ รชิตุํ วฎฺฎติฯ ผลรชเน อกปฺปิยํ นาม นตฺถิ, สพฺพํ วฎฺฎตีติฯ รชนวินิจฺฉโยฯ
59. Tattha mūleti mūlarajaneti attho. Haliddiṃ vivajjiya sabbaṃ labbhanti sambandho. Evaṃ sesesupi. Tuṅgahārako nāma eko sakaṇṭakarukkho, tassa haritālavaṇṇaṃ khandharajanaṃ hoti. Gihiparibhuttaṃ pana allipattena ekavāraṃ rajituṃ vaṭṭati. Phalarajane akappiyaṃ nāma natthi, sabbaṃ vaṭṭatīti. Rajanavinicchayo.
รชนนิเทฺทสวณฺณนา นิฎฺฐิตาฯ
Rajananiddesavaṇṇanā niṭṭhitā.
