| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༥. ཙིཏྟཱགཱརཝགྒོ
5. Cittāgāravaggo
༡. རཱཛཱགཱརསིཀྑཱཔདཝཎྞནཱ
1. Rājāgārasikkhāpadavaṇṇanā
ཀཱིལ༹ནཙིཏྟསཱལནྟི ན རཉྙོཝ ཀཱིལ༹ནཙིཏྟསཱལཾ, ཨཐ ཁོ ཡེསཾ ཀེསཉྩི མནུསྶཱནཾ ཀཱིལ༹ནཏྠཾ ཡཏྠ ཀཏྠཙི ཀཏསཱལཾ། ཨེས ནཡོ ‘‘ཀཱིལ༹ནཨུཔཝན’’ནྟིཨཱདཱིསུཔི། ཡཐཱཧ ‘‘རཱཛཱགཱརཾ ནཱམ ཡཏྠ ཀཏྠཙི རཉྙོ ཀཱིལི༹ཏུཾ རམིཏུཾ ཀཏཾ ཧོཏཱི’’ཏིཨཱདིཀོ (པཱཙི॰ ༩༧༩) ཝིཏྠཱརོ། ཏཏྠ ཀཱིལ༹ནཨུཔཝནནྟི ཀཱིལ༹ནཏྠཾ ཨནྟོནགརེ ཀཏཾ ཨཱརཱམཾ། ཀཱིལ༹ནུཡྻཱནནྟི ཏཐེཝ བཧིནགརེ ཀཏཾ ཨུཡྻཱནཾ།
Kīḷanacittasālanti na raññova kīḷanacittasālaṃ, atha kho yesaṃ kesañci manussānaṃ kīḷanatthaṃ yattha katthaci katasālaṃ. Esa nayo ‘‘kīḷanaupavana’’ntiādīsupi. Yathāha ‘‘rājāgāraṃ nāma yattha katthaci rañño kīḷituṃ ramituṃ kataṃ hotī’’tiādiko (pāci. 979) vitthāro. Tattha kīḷanaupavananti kīḷanatthaṃ antonagare kataṃ ārāmaṃ. Kīḷanuyyānanti tatheva bahinagare kataṃ uyyānaṃ.
རཱཛཱགཱརསིཀྑཱཔདཝཎྞནཱ ནིཊྛིཏཱ།
Rājāgārasikkhāpadavaṇṇanā niṭṭhitā.
