| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೨೭. ರಾಜಭಟವತ್ಥುಕಥಾ
27. Rājabhaṭavatthukathā
೯೦. ಉಚ್ಚಿನಥಾತಿ ಏತ್ಥ ಚಿಧಾತುಯಾ ವಡ್ಢನತ್ಥಂ ದಸ್ಸೇನ್ತೋ ಆಹ ‘‘ವಡ್ಢೇಥಾ’’ತಿ। ಸೋತಾಪನ್ನತ್ತಾತಿ ಬಿಮ್ಬಿಸಾರರಞ್ಞೋ =೦೮ ಸೋತಾಪನ್ನಭಾವತೋ। ಘಾತೇಥಾತಿ ಜೀವಿತಾ ವೋರೋಪೇಥ। ಹನಥಾತಿ ಪಹರಥ। ತತೋತಿ ಉಪಜ್ಝಾಯತೋ। ಆಚರಿಯೋ ಸೇಟ್ಠೋತಿ ಸಮ್ಬನ್ಧೋ। ತತೋತಿ ಆಚರಿಯತೋ। ಇದನ್ತಿ ವಚನಂ, ಆಗತನ್ತಿ ಸಮ್ಬನ್ಧೋ। ಆಹಂಸು ವೋಹಾರಿಕಾ ಮಹಾಮತ್ತಾ ಮುಸಾವಾದೇನಾತಿ ಯೋಜನಾ। ಅಮಚ್ಚೋತಿ ಸಬ್ಬರಾಜಕಿಚ್ಚೇಸು ಅಮಾ ಸಹ ರಞ್ಞಾ ಭವತೀತಿ ಅಮಚ್ಚೋ। ಅಮಾಸದ್ದೋ ಸಹತ್ಥೇ ನಿಪಾತೋ। ‘‘ಅಮಾ’’ತಿ ನಿಪಾತತೋ ಭವತ್ಥೇ ಅಚ್ಚಪಚ್ಚಯೋ (ಮೋಗ್ಗಲ್ಲಾನೇ ೪.೨೩ ಸುತ್ತೇ)। ಮಹಾಮತ್ತೋತಿ ಮಹನ್ತೋ ಮತ್ತಾ ಇಸ್ಸರಿಯಾ ಏತಸ್ಸಾತಿ ಮಹಾಮತ್ತೋ। ಮತ್ತಾಸದ್ದೋ ಹೇತ್ಥ ಇಸ್ಸರಿಯವಾಚಕೋ। ಸೇವಕೋತಿ ರಾಜಾನಂ ಸೇವತಿ ಭಜತೀತಿ ಸೇವಕೋ। ಭತ್ತವೇತನಭಟೋತಿ ಭತ್ತವೇತನಾನಮತ್ಥಾಯ ಭಟೋ। ತಸ್ಸಾತಿ ರಾಜಭಟಸ್ಸ। ಪುತ್ತನತ್ತಭಾತುಕಾದಯೋತಿಆದಿಸದ್ದೇನ ಭಾಗಿನೇಯ್ಯಾದಯೋ ಸಙ್ಗಣ್ಹಾತಿ। ಯೋ ಪನಾತಿ ರಾಜಭಟೋ ಪನ। ನಿಯ್ಯಾತೇತೀತಿ ಅಪ್ಪೇತಿ। ತಂ ಠಾನನ್ತಿ ತಂ ರಾಜಭಟಟ್ಠಾನಂ। ಯೇನ ವಾತಿ ಕಮ್ಮಕಾರೇನ ವಾ। ಯಂಕಮ್ಮಕಾರಣಾತಿ ಯಸ್ಸ ಕಮ್ಮಸ್ಸ ಕಾರಣಾ। ಯೋ ವಾತಿ ರಾಜಭಟೋ ವಾ। ಪಬ್ಬಜಸ್ಸೂತಿ ಪಬ್ಬಾಜೇಹಿ।
90.Uccinathāti ettha cidhātuyā vaḍḍhanatthaṃ dassento āha ‘‘vaḍḍhethā’’ti. Sotāpannattāti bimbisārarañño =08 sotāpannabhāvato. Ghātethāti jīvitā voropetha. Hanathāti paharatha. Tatoti upajjhāyato. Ācariyo seṭṭhoti sambandho. Tatoti ācariyato. Idanti vacanaṃ, āgatanti sambandho. Āhaṃsu vohārikā mahāmattā musāvādenāti yojanā. Amaccoti sabbarājakiccesu amā saha raññā bhavatīti amacco. Amāsaddo sahatthe nipāto. ‘‘Amā’’ti nipātato bhavatthe accapaccayo (moggallāne 4.23 sutte). Mahāmattoti mahanto mattā issariyā etassāti mahāmatto. Mattāsaddo hettha issariyavācako. Sevakoti rājānaṃ sevati bhajatīti sevako. Bhattavetanabhaṭoti bhattavetanānamatthāya bhaṭo. Tassāti rājabhaṭassa. Puttanattabhātukādayotiādisaddena bhāgineyyādayo saṅgaṇhāti. Yo panāti rājabhaṭo pana. Niyyātetīti appeti. Taṃ ṭhānanti taṃ rājabhaṭaṭṭhānaṃ. Yena vāti kammakārena vā. Yaṃkammakāraṇāti yassa kammassa kāraṇā. Yo vāti rājabhaṭo vā. Pabbajassūti pabbājehi.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೨೭. ರಾಜಭಟವತ್ಥು • 27. Rājabhaṭavatthu
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ರಾಜಭಟವತ್ಥುಕಥಾ • Rājabhaṭavatthukathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ರಾಜಭಟಾದಿವತ್ಥುಕಥಾವಣ್ಣನಾ • Rājabhaṭādivatthukathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ರಾಜಭಟವತ್ಥುಕಥಾವಣ್ಣನಾ • Rājabhaṭavatthukathāvaṇṇanā
