| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၂၇. ရာဇဘဋဝတ္ထုကထာ
27. Rājabhaṭavatthukathā
၉၀. ဥစ္စိနထာတိ ဧတ္ထ စိဓာတုယာ ဝဍ္ဎနတ္ထံ ဒသ္သေန္တော အာဟ ‘‘ဝဍ္ဎေထာ’’တိ။ သောတာပန္နတ္တာတိ ဗိမ္ဗိသာရရညော =၀၈ သောတာပန္နဘာဝတော။ ဃာတေထာတိ ဇီဝိတာ ဝောရောပေထ။ ဟနထာတိ ပဟရထ။ တတောတိ ဥပဇ္ဈာယတော။ အာစရိယော သေဋ္ဌောတိ သမ္ဗန္ဓော။ တတောတိ အာစရိယတော။ ဣဒန္တိ ဝစနံ, အာဂတန္တိ သမ္ဗန္ဓော။ အာဟံသု ဝောဟာရိကာ မဟာမတ္တာ မုသာဝာဒေနာတိ ယောဇနာ။ အမစ္စောတိ သဗ္ဗရာဇကိစ္စေသု အမာ သဟ ရညာ ဘဝတီတိ အမစ္စော။ အမာသဒ္ဒော သဟတ္ထေ နိပာတော။ ‘‘အမာ’’တိ နိပာတတော ဘဝတ္ထေ အစ္စပစ္စယော (မောဂ္ဂလ္လာနေ ၄.၂၃ သုတ္တေ)။ မဟာမတ္တောတိ မဟန္တော မတ္တာ ဣသ္သရိယာ ဧတသ္သာတိ မဟာမတ္တော။ မတ္တာသဒ္ဒော ဟေတ္ထ ဣသ္သရိယဝာစကော။ သေဝကောတိ ရာဇာနံ သေဝတိ ဘဇတီတိ သေဝကော။ ဘတ္တဝေတနဘဋောတိ ဘတ္တဝေတနာနမတ္ထာယ ဘဋော။ တသ္သာတိ ရာဇဘဋသ္သ။ ပုတ္တနတ္တဘာတုကာဒယောတိအာဒိသဒ္ဒေန ဘာဂိနေယ္ယာဒယော သင္ဂဏ္ဟာတိ။ ယော ပနာတိ ရာဇဘဋော ပန။ နိယ္ယာတေတီတိ အပ္ပေတိ။ တံ ဌာနန္တိ တံ ရာဇဘဋဋ္ဌာနံ။ ယေန ဝာတိ ကမ္မကာရေန ဝာ။ ယံကမ္မကာရဏာတိ ယသ္သ ကမ္မသ္သ ကာရဏာ။ ယော ဝာတိ ရာဇဘဋော ဝာ။ ပဗ္ဗဇသ္သူတိ ပဗ္ဗာဇေဟိ။
90.Uccinathāti ettha cidhātuyā vaḍḍhanatthaṃ dassento āha ‘‘vaḍḍhethā’’ti. Sotāpannattāti bimbisārarañño =08 sotāpannabhāvato. Ghātethāti jīvitā voropetha. Hanathāti paharatha. Tatoti upajjhāyato. Ācariyo seṭṭhoti sambandho. Tatoti ācariyato. Idanti vacanaṃ, āgatanti sambandho. Āhaṃsu vohārikā mahāmattā musāvādenāti yojanā. Amaccoti sabbarājakiccesu amā saha raññā bhavatīti amacco. Amāsaddo sahatthe nipāto. ‘‘Amā’’ti nipātato bhavatthe accapaccayo (moggallāne 4.23 sutte). Mahāmattoti mahanto mattā issariyā etassāti mahāmatto. Mattāsaddo hettha issariyavācako. Sevakoti rājānaṃ sevati bhajatīti sevako. Bhattavetanabhaṭoti bhattavetanānamatthāya bhaṭo. Tassāti rājabhaṭassa. Puttanattabhātukādayotiādisaddena bhāgineyyādayo saṅgaṇhāti. Yo panāti rājabhaṭo pana. Niyyātetīti appeti. Taṃ ṭhānanti taṃ rājabhaṭaṭṭhānaṃ. Yena vāti kammakārena vā. Yaṃkammakāraṇāti yassa kammassa kāraṇā. Yo vāti rājabhaṭo vā. Pabbajassūti pabbājehi.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၇. ရာဇဘဋဝတ္ထု • 27. Rājabhaṭavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / ရာဇဘဋဝတ္ထုကထာ • Rājabhaṭavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ရာဇဘဋာဒိဝတ္ထုကထာဝဏ္ဏနာ • Rājabhaṭādivatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ရာဇဘဋဝတ္ထုကထာဝဏ္ဏနာ • Rājabhaṭavatthukathāvaṇṇanā
