| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೧೧. ರಾಹುಲಸುತ್ತಂ
11. Rāhulasuttaṃ
೩೩೭.
337.
‘‘ಕಚ್ಚಿ ಅಭಿಣ್ಹಸಂವಾಸಾ, ನಾವಜಾನಾಸಿ ಪಣ್ಡಿತಂ।
‘‘Kacci abhiṇhasaṃvāsā, nāvajānāsi paṇḍitaṃ;
೩೩೮.
338.
‘‘ನಾಹಂ ಅಭಿಣ್ಹಸಂವಾಸಾ, ಅವಜಾನಾಮಿ ಪಣ್ಡಿತಂ।
‘‘Nāhaṃ abhiṇhasaṃvāsā, avajānāmi paṇḍitaṃ;
ಉಕ್ಕಾಧಾರೋ ಮನುಸ್ಸಾನಂ, ನಿಚ್ಚಂ ಅಪಚಿತೋ ಮಯಾ’’॥
Ukkādhāro manussānaṃ, niccaṃ apacito mayā’’.
೩೩೯.
339.
‘‘ಪಞ್ಚ ಕಾಮಗುಣೇ ಹಿತ್ವಾ, ಪಿಯರೂಪೇ ಮನೋರಮೇ।
‘‘Pañca kāmaguṇe hitvā, piyarūpe manorame;
ಸದ್ಧಾಯ ಘರಾ ನಿಕ್ಖಮ್ಮ, ದುಕ್ಖಸ್ಸನ್ತಕರೋ ಭವ॥
Saddhāya gharā nikkhamma, dukkhassantakaro bhava.
೩೪೦.
340.
‘‘ಮಿತ್ತೇ ಭಜಸ್ಸು ಕಲ್ಯಾಣೇ, ಪನ್ತಞ್ಚ ಸಯನಾಸನಂ।
‘‘Mitte bhajassu kalyāṇe, pantañca sayanāsanaṃ;
ವಿವಿತ್ತಂ ಅಪ್ಪನಿಗ್ಘೋಸಂ, ಮತ್ತಞ್ಞೂ ಹೋಹಿ ಭೋಜನೇ॥
Vivittaṃ appanigghosaṃ, mattaññū hohi bhojane.
೩೪೧.
341.
‘‘ಚೀವರೇ ಪಿಣ್ಡಪಾತೇ ಚ, ಪಚ್ಚಯೇ ಸಯನಾಸನೇ।
‘‘Cīvare piṇḍapāte ca, paccaye sayanāsane;
ಏತೇಸು ತಣ್ಹಂ ಮಾಕಾಸಿ, ಮಾ ಲೋಕಂ ಪುನರಾಗಮಿ॥
Etesu taṇhaṃ mākāsi, mā lokaṃ punarāgami.
೩೪೨.
342.
‘‘ಸಂವುತೋ ಪಾತಿಮೋಕ್ಖಸ್ಮಿಂ, ಇನ್ದ್ರಿಯೇಸು ಚ ಪಞ್ಚಸು।
‘‘Saṃvuto pātimokkhasmiṃ, indriyesu ca pañcasu;
ಸತಿ ಕಾಯಗತಾತ್ಯತ್ಥು, ನಿಬ್ಬಿದಾಬಹುಲೋ ಭವ॥
Sati kāyagatātyatthu, nibbidābahulo bhava.
೩೪೩.
343.
‘‘ನಿಮಿತ್ತಂ ಪರಿವಜ್ಜೇಹಿ, ಸುಭಂ ರಾಗೂಪಸಞ್ಹಿತಂ।
‘‘Nimittaṃ parivajjehi, subhaṃ rāgūpasañhitaṃ;
ಅಸುಭಾಯ ಚಿತ್ತಂ ಭಾವೇಹಿ, ಏಕಗ್ಗಂ ಸುಸಮಾಹಿತಂ॥
Asubhāya cittaṃ bhāvehi, ekaggaṃ susamāhitaṃ.
೩೪೪.
344.
‘‘ಅನಿಮಿತ್ತಞ್ಚ ಭಾವೇಹಿ, ಮಾನಾನುಸಯಮುಜ್ಜಹ।
‘‘Animittañca bhāvehi, mānānusayamujjaha;
ತತೋ ಮಾನಾಭಿಸಮಯಾ, ಉಪಸನ್ತೋ ಚರಿಸ್ಸತೀ’’ತಿ॥
Tato mānābhisamayā, upasanto carissatī’’ti.
ಇತ್ಥಂ ಸುದಂ ಭಗವಾ ಆಯಸ್ಮನ್ತಂ ರಾಹುಲಂ ಇಮಾಹಿ ಗಾಥಾಹಿ ಅಭಿಣ್ಹಂ ಓವದತೀತಿ।
Itthaṃ sudaṃ bhagavā āyasmantaṃ rāhulaṃ imāhi gāthāhi abhiṇhaṃ ovadatīti.
ರಾಹುಲಸುತ್ತಂ ಏಕಾದಸಮಂ ನಿಟ್ಠಿತಂ।
Rāhulasuttaṃ ekādasamaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೧೧. ರಾಹುಲಸುತ್ತವಣ್ಣನಾ • 11. Rāhulasuttavaṇṇanā
