| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
११. राहुलसुत्तं
11. Rāhulasuttaṃ
३३७.
337.
‘‘कच्चि अभिण्हसंवासा, नावजानासि पण्डितं।
‘‘Kacci abhiṇhasaṃvāsā, nāvajānāsi paṇḍitaṃ;
३३८.
338.
‘‘नाहं अभिण्हसंवासा, अवजानामि पण्डितं।
‘‘Nāhaṃ abhiṇhasaṃvāsā, avajānāmi paṇḍitaṃ;
उक्काधारो मनुस्सानं, निच्चं अपचितो मया’’॥
Ukkādhāro manussānaṃ, niccaṃ apacito mayā’’.
३३९.
339.
‘‘पञ्च कामगुणे हित्वा, पियरूपे मनोरमे।
‘‘Pañca kāmaguṇe hitvā, piyarūpe manorame;
सद्धाय घरा निक्खम्म, दुक्खस्सन्तकरो भव॥
Saddhāya gharā nikkhamma, dukkhassantakaro bhava.
३४०.
340.
‘‘मित्ते भजस्सु कल्याणे, पन्तञ्च सयनासनं।
‘‘Mitte bhajassu kalyāṇe, pantañca sayanāsanaṃ;
विवित्तं अप्पनिग्घोसं, मत्तञ्ञू होहि भोजने॥
Vivittaṃ appanigghosaṃ, mattaññū hohi bhojane.
३४१.
341.
‘‘चीवरे पिण्डपाते च, पच्चये सयनासने।
‘‘Cīvare piṇḍapāte ca, paccaye sayanāsane;
एतेसु तण्हं माकासि, मा लोकं पुनरागमि॥
Etesu taṇhaṃ mākāsi, mā lokaṃ punarāgami.
३४२.
342.
‘‘संवुतो पातिमोक्खस्मिं, इन्द्रियेसु च पञ्चसु।
‘‘Saṃvuto pātimokkhasmiṃ, indriyesu ca pañcasu;
सति कायगतात्यत्थु, निब्बिदाबहुलो भव॥
Sati kāyagatātyatthu, nibbidābahulo bhava.
३४३.
343.
‘‘निमित्तं परिवज्जेहि, सुभं रागूपसञ्हितं।
‘‘Nimittaṃ parivajjehi, subhaṃ rāgūpasañhitaṃ;
असुभाय चित्तं भावेहि, एकग्गं सुसमाहितं॥
Asubhāya cittaṃ bhāvehi, ekaggaṃ susamāhitaṃ.
३४४.
344.
‘‘अनिमित्तञ्च भावेहि, मानानुसयमुज्जह।
‘‘Animittañca bhāvehi, mānānusayamujjaha;
ततो मानाभिसमया, उपसन्तो चरिस्सती’’ति॥
Tato mānābhisamayā, upasanto carissatī’’ti.
इत्थं सुदं भगवा आयस्मन्तं राहुलं इमाहि गाथाहि अभिण्हं ओवदतीति।
Itthaṃ sudaṃ bhagavā āyasmantaṃ rāhulaṃ imāhi gāthāhi abhiṇhaṃ ovadatīti.
राहुलसुत्तं एकादसमं निट्ठितं।
Rāhulasuttaṃ ekādasamaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / ११. राहुलसुत्तवण्णना • 11. Rāhulasuttavaṇṇanā
