| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢༣. རཱགཔེཡྻཱལཾ
23. Rāgapeyyālaṃ
༢༣༧. ‘‘རཱགསྶ , བྷིཀྑཝེ, ཨབྷིཉྙཱཡ དས དྷམྨཱ བྷཱཝེཏབྦཱ། ཀཏམེ དས? ཨསུབྷསཉྙཱ, མརཎསཉྙཱ, ཨཱཧཱརེ པཊིཀཱུལསཉྙཱ, སབྦལོཀེ ཨནབྷིརཏསཉྙཱ, ཨནིཙྩསཉྙཱ, ཨནིཙྩེ དུཀྑསཉྙཱ, དུཀྑེ ཨནཏྟསཉྙཱ, པཧཱནསཉྙཱ, ཝིརཱགསཉྙཱ, ནིརོདྷསཉྙཱ – རཱགསྶ, བྷིཀྑཝེ, ཨབྷིཉྙཱཡ ཨིམེ དས དྷམྨཱ བྷཱཝེཏབྦཱ’’ཏི།
237. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime dasa dhammā bhāvetabbā’’ti.
༢༣༨. ‘‘རཱགསྶ , བྷིཀྑཝེ, ཨབྷིཉྙཱཡ དས དྷམྨཱ བྷཱཝེཏབྦཱ། ཀཏམེ དས? ཨནིཙྩསཉྙཱ, ཨནཏྟསཉྙཱ, ཨཱཧཱརེ པཊིཀཱུལསཉྙཱ, སབྦལོཀེ ཨནབྷིརཏསཉྙཱ, ཨཊྛིཀསཉྙཱ, པུལ༹ཝཀསཉྙཱ 1, ཝིནཱིལཀསཉྙཱ, ཝིཔུབྦཀསཉྙཱ, ཝིཙྪིདྡཀསཉྙཱ, ཨུདྡྷུམཱཏཀསཉྙཱ – རཱགསྶ, བྷིཀྑཝེ, ཨབྷིཉྙཱཡ ཨིམེ དས དྷམྨཱ བྷཱཝེཏབྦཱ’’ཏི།
238. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Aniccasaññā, anattasaññā, āhāre paṭikūlasaññā, sabbaloke anabhiratasaññā, aṭṭhikasaññā, puḷavakasaññā 2, vinīlakasaññā, vipubbakasaññā, vicchiddakasaññā, uddhumātakasaññā – rāgassa, bhikkhave, abhiññāya ime dasa dhammā bhāvetabbā’’ti.
༢༣༩. ‘‘རཱགསྶ, བྷིཀྑཝེ, ཨབྷིཉྙཱཡ དས དྷམྨཱ བྷཱཝེཏབྦཱ། ཀཏམེ དས ? སམྨཱདིཊྛི, སམྨཱསངྐཔྤོ, སམྨཱཝཱཙཱ, སམྨཱཀམྨནྟོ, སམྨཱཨཱཛཱིཝོ, སམྨཱཝཱཡཱམོ, སམྨཱསཏི, སམྨཱསམཱདྷི, སམྨཱཉཱཎཾ, སམྨཱཝིམུཏྟི – རཱགསྶ, བྷིཀྑཝེ, ཨབྷིཉྙཱཡ ཨིམེ དས དྷམྨཱ བྷཱཝེཏབྦཱ’’ཏི།
239. ‘‘Rāgassa, bhikkhave, abhiññāya dasa dhammā bhāvetabbā. Katame dasa ? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ, sammāvimutti – rāgassa, bhikkhave, abhiññāya ime dasa dhammā bhāvetabbā’’ti.
༢༤༠-༢༦༦. ‘‘རཱགསྶ, བྷིཀྑཝེ, པརིཉྙཱཡ…པེ॰… པརིཀྑཡཱཡ… པཧཱནཱཡ… ཁཡཱཡ… ཝཡཱཡ… ཝིརཱགཱཡ… ནིརོདྷཱཡ… ( ) 3 ཙཱགཱཡ… པཊིནིསྶགྒཱཡ…པེ॰… ཨིམེ དས དྷམྨཱ བྷཱཝེཏབྦཱ།
240-266. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… ( ) 4 cāgāya… paṭinissaggāya…pe… ime dasa dhammā bhāvetabbā.
༢༦༧-༧༤༦. ‘‘དོསསྶ …པེ॰… མོཧསྶ… ཀོདྷསྶ… ཨུཔནཱཧསྶ… མཀྑསྶ… པལཱ༹སསྶ… ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ པརིཉྙཱཡ…པེ॰… པརིཀྑཡཱཡ… པཧཱནཱཡ … ཁཡཱཡ… ཝཡཱཡ… ཝིརཱགཱཡ… ནིརོདྷཱཡ… ( ) 5 ཙཱགཱཡ… པཊིནིསྶགྒཱཡ…པེ॰… ཨིམེ དས དྷམྨཱ བྷཱཝེཏབྦཱ’’ཏི།
267-746. ‘‘Dosassa …pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa pariññāya…pe… parikkhayāya… pahānāya … khayāya… vayāya… virāgāya… nirodhāya… ( ) 6 cāgāya… paṭinissaggāya…pe… ime dasa dhammā bhāvetabbā’’ti.
རཱགཔེཡྻཱལཾ ནིཊྛིཏཾ།
Rāgapeyyālaṃ niṭṭhitaṃ.
དསཀནིཔཱཏཔཱལི༹ ནིཊྛིཏཱ།
Dasakanipātapāḷi niṭṭhitā.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༥༣༦. པཋམནིརཡསགྒསུཏྟཱདིཝཎྞནཱ • 1-536. Paṭhamanirayasaggasuttādivaṇṇanā
