| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༤. རཱགཔེཡྻཱལཾ
4. Rāgapeyyālaṃ
༢༣༡. རཱགསྶ , བྷིཀྑཝེ, ཨབྷིཉྙཱཡཱཏི པཉྩཀཱམགུཎིཀརཱགསྶ ཨབྷིཛཱནནཏྠཾ པཙྩཀྑཀརཎཏྠཾ། པརིཉྙཱཡཱཏི པརིཛཱནནཏྠཾ། པརིཀྑཡཱཡཱཏི པརིཀྑཡགམནཏྠཾ། པཧཱནཱཡཱཏི པཛཧནཏྠཾ། ཁཡཱཡ ཝཡཱཡཱཏི ཁཡཝཡགམནཏྠཾ། ཝིརཱགཱཡཱཏི ཝིརཛྫནཏྠཾ། ནིརོདྷཱཡཱཏི ནིརུཛ྄ཛྷནཏྠཾ། ཙཱགཱཡཱཏི ཙཛནཏྠཾ། པཊིནིསྶགྒཱཡཱཏི པཊིནིསྶཛྫནཏྠཾ།
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
༢༣༢-༢༤༦. ཐམྦྷསྶཱཏི ཀོདྷམཱནཝསེན ཐདྡྷབྷཱཝསྶ། སཱརབྦྷསྶཱཏི ཀཱརཎུཏྟརིཡལཀྑཎསྶ སཱརབྦྷསྶ། མཱནསྶཱཏི ནཝཝིདྷམཱནསྶ། ཨཏིམཱནསྶཱཏི ཨཏིཀྐམིཏྭཱ མཉྙནམཱནསྶ། མདསྶཱཏི མཛྫནཱཀཱརམདསྶ། པམཱདསྶཱཏི སཏིཝིཔྤཝཱསསྶ, པཉྩསུ ཀཱམགུཎེསུ ཙིཏྟཝོསྶགྒསྶ། སེསཾ སབྦཏྠ ཨུཏྟཱནཏྠམེཝཱཏི།
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
རཱགཔེཡྻཱལཾ ནིཊྛིཏཾ།
Rāgapeyyālaṃ niṭṭhitaṃ.
མནོརཐཔཱུརཎིཡཱ ཨངྒུཏྟརནིཀཱཡ-ཨཊྛཀཐཱཡ
Manorathapūraṇiyā aṅguttaranikāya-aṭṭhakathāya
དུཀནིཔཱཏསྶ སཾཝཎྞནཱ ནིཊྛིཏཱ།
Dukanipātassa saṃvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. རཱགཔེཡྻཱལཾ • 4. Rāgapeyyālaṃ
