| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၃. ရာဂပေယ္ယာလံ
3. Rāgapeyyālaṃ
၃၀၃. ‘‘ရာဂသ္သ , ဘိက္ခဝေ, အဘိညာယ ပဉ္စ ဓမ္မာ ဘာဝေတဗ္ဗာ။ ကတမေ ပဉ္စ? အသုဘသညာ, မရဏသညာ, အာဒီနဝသညာ, အာဟာရေ ပဋိကူလသညာ, သဗ္ဗလောကေ အနဘိရတသညာ 1 – ရာဂသ္သ, ဘိက္ခဝေ, အဘိညာယ ဣမေ ပဉ္စ ဓမ္မာ ဘာဝေတဗ္ဗာ’’တိ။
303. ‘‘Rāgassa , bhikkhave, abhiññāya pañca dhammā bhāvetabbā. Katame pañca? Asubhasaññā, maraṇasaññā, ādīnavasaññā, āhāre paṭikūlasaññā, sabbaloke anabhiratasaññā 2 – rāgassa, bhikkhave, abhiññāya ime pañca dhammā bhāvetabbā’’ti.
၃၀၄. ‘‘ရာဂသ္သ, ဘိက္ခဝေ, အဘိညာယ ပဉ္စ ဓမ္မာ ဘာဝေတဗ္ဗာ။ ကတမေ ပဉ္စ? အနိစ္စသညာ, အနတ္တသညာ, မရဏသညာ, အာဟာရေ ပဋိကူလသညာ, သဗ္ဗလောကေ အနဘိရတသညာ – ရာဂသ္သ, ဘိက္ခဝေ, အဘိညာယ ဣမေ ပဉ္စ ဓမ္မာ ဘာဝေတဗ္ဗာ’’တိ။
304. ‘‘Rāgassa, bhikkhave, abhiññāya pañca dhammā bhāvetabbā. Katame pañca? Aniccasaññā, anattasaññā, maraṇasaññā, āhāre paṭikūlasaññā, sabbaloke anabhiratasaññā – rāgassa, bhikkhave, abhiññāya ime pañca dhammā bhāvetabbā’’ti.
၃၀၅. ‘‘ရာဂသ္သ , ဘိက္ခဝေ, အဘိညာယ ပဉ္စ ဓမ္မာ ဘာဝေတဗ္ဗာ။ ကတမေ ပဉ္စ? အနိစ္စသညာ, အနိစ္စေ ဒုက္ခသညာ, ဒုက္ခေ အနတ္တသညာ, ပဟာနသညာ, ဝိရာဂသညာ – ရာဂသ္သ, ဘိက္ခဝေ, အဘိညာယ ဣမေ ပဉ္စ ဓမ္မာ ဘာဝေတဗ္ဗာ’’တိ။
305. ‘‘Rāgassa , bhikkhave, abhiññāya pañca dhammā bhāvetabbā. Katame pañca? Aniccasaññā, anicce dukkhasaññā, dukkhe anattasaññā, pahānasaññā, virāgasaññā – rāgassa, bhikkhave, abhiññāya ime pañca dhammā bhāvetabbā’’ti.
၃၀၆. ‘‘ရာဂသ္သ, ဘိက္ခဝေ, အဘိညာယ ပဉ္စ ဓမ္မာ ဘာဝေတဗ္ဗာ။ ကတမေ ပဉ္စ? သဒ္ဓိန္ဒ္ရိယံ, ဝီရိယိန္ဒ္ရိယံ, သတိန္ဒ္ရိယံ, သမာဓိန္ဒ္ရိယံ, ပညိန္ဒ္ရိယံ – ရာဂသ္သ, ဘိက္ခဝေ, အဘိညာယ ဣမေ ပဉ္စ ဓမ္မာ ဘာဝေတဗ္ဗာ’’တိ။
306. ‘‘Rāgassa, bhikkhave, abhiññāya pañca dhammā bhāvetabbā. Katame pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – rāgassa, bhikkhave, abhiññāya ime pañca dhammā bhāvetabbā’’ti.
၃၀၇. ‘‘ရာဂသ္သ , ဘိက္ခဝေ, အဘိညာယ ပဉ္စ ဓမ္မာ ဘာဝေတဗ္ဗာ။ ကတမေ ပဉ္စ? သဒ္ဓာဗလံ, ဝီရိယဗလံ, သတိဗလံ, သမာဓိဗလံ, ပညာဗလံ – ရာဂသ္သ, ဘိက္ခဝေ, အဘိညာယ ဣမေ ပဉ္စ ဓမ္မာ ဘာဝေတဗ္ဗာ’’တိ။
307. ‘‘Rāgassa , bhikkhave, abhiññāya pañca dhammā bhāvetabbā. Katame pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – rāgassa, bhikkhave, abhiññāya ime pañca dhammā bhāvetabbā’’ti.
၃၀၈-၁၁၅၁. ‘‘ရာဂသ္သ, ဘိက္ခဝေ, ပရိညာယ။ ပရိက္ခယာယ။ ပဟာနာယ။ ခယာယ။ ဝယာယ။ ဝိရာဂာယ။ နိရောဓာယ။ စာဂာယ။ ပဋိနိသ္သဂ္ဂာယ ပဉ္စ ဓမ္မာ ဘာဝေတဗ္ဗာ။ ဒောသသ္သ။ မောဟသ္သ။ ကောဓသ္သ။ ဥပနာဟသ္သ။ မက္ခသ္သ။ ပဠာသသ္သ။ ဣသ္သာယ။ မစ္ဆရိယသ္သ။ မာယာယ။ သာဌေယ္ယသ္သ။ ထမ္ဘသ္သ။ သာရမ္ဘသ္သ။ မာနသ္သ။ အတိမာနသ္သ ။ မဒသ္သ။ ပမာဒသ္သ အဘိညာယ။ ပရိညာယ။ ပရိက္ခယာယ။ ပဟာနာယ။ ခယာယ။ ဝယာယ။ ဝိရာဂာယ။ နိရောဓာယ။ စာဂာယ။ ပဋိနိသ္သဂ္ဂာယ ပဉ္စ ဓမ္မာ ဘာဝေတဗ္ဗာ။
308-1151. ‘‘Rāgassa, bhikkhave, pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya pañca dhammā bhāvetabbā. Dosassa… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa … madassa… pamādassa abhiññāya… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya pañca dhammā bhāvetabbā.
‘‘ကတမေ ပဉ္စ? သဒ္ဓာဗလံ, ဝီရိယဗလံ, သတိဗလံ, သမာဓိဗလံ, ပညာဗလံ – ပမာဒသ္သ, ဘိက္ခဝေ, ပဋိနိသ္သဂ္ဂာယ ဣမေ ပဉ္စ ဓမ္မာ ဘာဝေတဗ္ဗာ’’တိ။
‘‘Katame pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – pamādassa, bhikkhave, paṭinissaggāya ime pañca dhammā bhāvetabbā’’ti.
ရာဂပေယ္ယာလံ နိဋ္ဌိတံ။
Rāgapeyyālaṃ niṭṭhitaṃ.
တသ္သုဒ္ဒာနံ –
Tassuddānaṃ –
အဘိညာယ ပရိညာယ ပရိက္ခယာယ၊
Abhiññāya pariññāya parikkhayāya,
ပဟာနာယ ခယာယ ဝယေန စ။
Pahānāya khayāya vayena ca;
ဝိရာဂနိရောဓာ စာဂဉ္စ၊
Virāganirodhā cāgañca,
ပဋိနိသ္သဂ္ဂော ဣမေ ဒသာတိ။
Paṭinissaggo ime dasāti.
ပဉ္စကနိပာတော နိဋ္ဌိတော။
Pañcakanipāto niṭṭhito.
တတ္ရိဒံ ဝဂ္ဂုဒ္ဒာနံ –
Tatridaṃ vagguddānaṃ –
သေခဗလံ ဗလဉ္စေဝ၊ ပဉ္စင္ဂိကဉ္စ သုမနံ။
Sekhabalaṃ balañceva, pañcaṅgikañca sumanaṃ;
မုဏ္ဍနီဝရဏဉ္စ သညဉ္စ၊ ယောဓာဇီဝဉ္စ အဋ္ဌမံ။
Muṇḍanīvaraṇañca saññañca, yodhājīvañca aṭṭhamaṃ;
ထေရံ ကကုဓဖာသုဉ္စ၊ အန္ဓကဝိန္ဒဒ္ဝာဒသံ။
Theraṃ kakudhaphāsuñca, andhakavindadvādasaṃ;
ဂိလာနရာဇတိကဏ္ဍံ၊ သဒ္ဓမ္မာဃာတုပာသကံ။
Gilānarājatikaṇḍaṃ, saddhammāghātupāsakaṃ;
အရညဗ္ရာဟ္မဏဉ္စေဝ၊ ကိမိလက္ကောသကံ တထာ။
Araññabrāhmaṇañceva, kimilakkosakaṃ tathā;
ဒီဃာစာရာဝာသိကဉ္စ၊ ဒုစ္စရိတူပသမ္ပဒန္တိ။
Dīghācārāvāsikañca, duccaritūpasampadanti.
ပဉ္စကနိပာတပာဠိ နိဋ္ဌိတာ။
Pañcakanipātapāḷi niṭṭhitā.
Footnotes:
