| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၄. ရာဂပေယ္ယာလံ
4. Rāgapeyyālaṃ
၂၃၁. ရာဂသ္သ , ဘိက္ခဝေ, အဘိညာယာတိ ပဉ္စကာမဂုဏိကရာဂသ္သ အဘိဇာနနတ္ထံ ပစ္စက္ခကရဏတ္ထံ။ ပရိညာယာတိ ပရိဇာနနတ္ထံ။ ပရိက္ခယာယာတိ ပရိက္ခယဂမနတ္ထံ။ ပဟာနာယာတိ ပဇဟနတ္ထံ။ ခယာယ ဝယာယာတိ ခယဝယဂမနတ္ထံ။ ဝိရာဂာယာတိ ဝိရဇ္ဇနတ္ထံ။ နိရောဓာယာတိ နိရုဇ္ဈနတ္ထံ။ စာဂာယာတိ စဇနတ္ထံ။ ပဋိနိသ္သဂ္ဂာယာတိ ပဋိနိသ္သဇ္ဇနတ္ထံ။
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
၂၃၂-၂၄၆. ထမ္ဘသ္သာတိ ကောဓမာနဝသေန ထဒ္ဓဘာဝသ္သ။ သာရဗ္ဘသ္သာတိ ကာရဏုတ္တရိယလက္ခဏသ္သ သာရဗ္ဘသ္သ။ မာနသ္သာတိ နဝဝိဓမာနသ္သ။ အတိမာနသ္သာတိ အတိက္ကမိတ္ဝာ မညနမာနသ္သ။ မဒသ္သာတိ မဇ္ဇနာကာရမဒသ္သ။ ပမာဒသ္သာတိ သတိဝိပ္ပဝာသသ္သ, ပဉ္စသု ကာမဂုဏေသု စိတ္တဝောသ္သဂ္ဂသ္သ။ သေသံ သဗ္ဗတ္ထ ဥတ္တာနတ္ထမေဝာတိ။
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
ရာဂပေယ္ယာလံ နိဋ္ဌိတံ။
Rāgapeyyālaṃ niṭṭhitaṃ.
မနောရထပူရဏိယာ အင္ဂုတ္တရနိကာယ-အဋ္ဌကထာယ
Manorathapūraṇiyā aṅguttaranikāya-aṭṭhakathāya
ဒုကနိပာတသ္သ သံဝဏ္ဏနာ နိဋ္ဌိတာ။
Dukanipātassa saṃvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. ရာဂပေယ္ယာလံ • 4. Rāgapeyyālaṃ
