| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១៣. រាគបេយ្យាលំ
13. Rāgapeyyālaṃ
១៤០. ‘‘រាគស្ស , ភិក្ខវេ, អភិញ្ញាយ ឆ ធម្មា ភាវេតព្ពា។ កតមេ ឆ? ទស្សនានុត្តរិយំ , សវនានុត្តរិយំ, លាភានុត្តរិយំ, សិក្ខានុត្តរិយំ, បារិចរិយានុត្តរិយំ, អនុស្សតានុត្តរិយំ។ រាគស្ស, ភិក្ខវេ, អភិញ្ញាយ ឥមេ ឆ ធម្មា ភាវេតព្ពា’’តិ។
140. ‘‘Rāgassa , bhikkhave, abhiññāya cha dhammā bhāvetabbā. Katame cha? Dassanānuttariyaṃ , savanānuttariyaṃ, lābhānuttariyaṃ, sikkhānuttariyaṃ, pāricariyānuttariyaṃ, anussatānuttariyaṃ. Rāgassa, bhikkhave, abhiññāya ime cha dhammā bhāvetabbā’’ti.
១៤១. ‘‘រាគស្ស, ភិក្ខវេ, អភិញ្ញាយ ឆ ធម្មា ភាវេតព្ពា។ កតមេ ឆ? ពុទ្ធានុស្សតិ, ធម្មានុស្សតិ, សង្ឃានុស្សតិ, សីលានុស្សតិ, ចាគានុស្សតិ, ទេវតានុស្សតិ។ រាគស្ស, ភិក្ខវេ, អភិញ្ញាយ ឥមេ ឆ ធម្មា ភាវេតព្ពា’’តិ។
141. ‘‘Rāgassa, bhikkhave, abhiññāya cha dhammā bhāvetabbā. Katame cha? Buddhānussati, dhammānussati, saṅghānussati, sīlānussati, cāgānussati, devatānussati. Rāgassa, bhikkhave, abhiññāya ime cha dhammā bhāvetabbā’’ti.
១៤២. ‘‘រាគស្ស, ភិក្ខវេ, អភិញ្ញាយ ឆ ធម្មា ភាវេតព្ពា។ កតមេ ឆ? អនិច្ចសញ្ញា, អនិច្ចេ ទុក្ខសញ្ញា, ទុក្ខេ អនត្តសញ្ញា, បហានសញ្ញា, វិរាគសញ្ញា, និរោធសញ្ញា។ រាគស្ស, ភិក្ខវេ, អភិញ្ញាយ ឥមេ ឆ ធម្មា ភាវេតព្ពា’’តិ។
142. ‘‘Rāgassa, bhikkhave, abhiññāya cha dhammā bhāvetabbā. Katame cha? Aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā. Rāgassa, bhikkhave, abhiññāya ime cha dhammā bhāvetabbā’’ti.
១៤៣-១៦៩. ‘‘រាគស្ស, ភិក្ខវេ, បរិញ្ញាយ…បេ.… បរិក្ខយាយ… បហានាយ… ខយាយ… វយាយ… វិរាគាយ… និរោធាយ… ចាគាយ… បដិនិស្សគ្គាយ ឆ ធម្មា ភាវេតព្ពា’’។
143-169. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya cha dhammā bhāvetabbā’’.
១៧០-៦៤៩. ‘‘ទោសស្ស…បេ.… មោហស្ស… កោធស្ស… ឧបនាហស្ស… មក្ខស្ស… បឡាសស្ស… ឥស្សាយ… មច្ឆរិយស្ស… មាយាយ… សាឋេយ្យស្ស… ថម្ភស្ស… សារម្ភស្ស… មានស្ស… អតិមានស្ស… មទស្ស… បមាទស្ស អភិញ្ញាយ…បេ.… បរិញ្ញាយ… បរិក្ខយាយ… បហនាយ… ខយាយ… វយាយ… វិរាគាយ… និរោធាយ… ចាគាយ… បដិនិស្សគ្គាយ ឥមេ ឆ ធម្មា ភាវេតព្ពា’’តិ។ ឥទមវោច ភគវា។ អត្តមនា តេ ភិក្ខូ ភគវតោ ភាសិតំ អភិនន្ទុន្តិ។
170-649. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahanāya… khayāya… vayāya… virāgāya… nirodhāya… cāgāya… paṭinissaggāya ime cha dhammā bhāvetabbā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti.
រាគបេយ្យាលំ និដ្ឋិតំ។
Rāgapeyyālaṃ niṭṭhitaṃ.
ឆក្កនិបាតបាឡិ និដ្ឋិតា។
Chakkanipātapāḷi niṭṭhitā.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១៣. រាគបេយ្យាលវណ្ណនា • 13. Rāgapeyyālavaṇṇanā
