| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๓. ราคเปยฺยาลํ
3. Rāgapeyyālaṃ
๓๐๓. ‘‘ราคสฺส , ภิกฺขเว, อภิญฺญาย ปญฺจ ธมฺมา ภาเวตพฺพาฯ กตเม ปญฺจ? อสุภสญฺญา, มรณสญฺญา, อาทีนวสญฺญา, อาหาเร ปฎิกูลสญฺญา, สพฺพโลเก อนภิรตสญฺญา 1 – ราคสฺส, ภิกฺขเว, อภิญฺญาย อิเม ปญฺจ ธมฺมา ภาเวตพฺพา’’ติฯ
303. ‘‘Rāgassa , bhikkhave, abhiññāya pañca dhammā bhāvetabbā. Katame pañca? Asubhasaññā, maraṇasaññā, ādīnavasaññā, āhāre paṭikūlasaññā, sabbaloke anabhiratasaññā 2 – rāgassa, bhikkhave, abhiññāya ime pañca dhammā bhāvetabbā’’ti.
๓๐๔. ‘‘ราคสฺส, ภิกฺขเว, อภิญฺญาย ปญฺจ ธมฺมา ภาเวตพฺพาฯ กตเม ปญฺจ? อนิจฺจสญฺญา, อนตฺตสญฺญา, มรณสญฺญา, อาหาเร ปฎิกูลสญฺญา, สพฺพโลเก อนภิรตสญฺญา – ราคสฺส, ภิกฺขเว, อภิญฺญาย อิเม ปญฺจ ธมฺมา ภาเวตพฺพา’’ติฯ
304. ‘‘Rāgassa, bhikkhave, abhiññāya pañca dhammā bhāvetabbā. Katame pañca? Aniccasaññā, anattasaññā, maraṇasaññā, āhāre paṭikūlasaññā, sabbaloke anabhiratasaññā – rāgassa, bhikkhave, abhiññāya ime pañca dhammā bhāvetabbā’’ti.
๓๐๕. ‘‘ราคสฺส , ภิกฺขเว, อภิญฺญาย ปญฺจ ธมฺมา ภาเวตพฺพาฯ กตเม ปญฺจ? อนิจฺจสญฺญา, อนิเจฺจ ทุกฺขสญฺญา, ทุเกฺข อนตฺตสญฺญา, ปหานสญฺญา, วิราคสญฺญา – ราคสฺส, ภิกฺขเว, อภิญฺญาย อิเม ปญฺจ ธมฺมา ภาเวตพฺพา’’ติฯ
305. ‘‘Rāgassa , bhikkhave, abhiññāya pañca dhammā bhāvetabbā. Katame pañca? Aniccasaññā, anicce dukkhasaññā, dukkhe anattasaññā, pahānasaññā, virāgasaññā – rāgassa, bhikkhave, abhiññāya ime pañca dhammā bhāvetabbā’’ti.
๓๐๖. ‘‘ราคสฺส, ภิกฺขเว, อภิญฺญาย ปญฺจ ธมฺมา ภาเวตพฺพาฯ กตเม ปญฺจ? สทฺธินฺทฺริยํ, วีริยินฺทฺริยํ, สตินฺทฺริยํ, สมาธินฺทฺริยํ, ปญฺญินฺทฺริยํ – ราคสฺส, ภิกฺขเว, อภิญฺญาย อิเม ปญฺจ ธมฺมา ภาเวตพฺพา’’ติฯ
306. ‘‘Rāgassa, bhikkhave, abhiññāya pañca dhammā bhāvetabbā. Katame pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – rāgassa, bhikkhave, abhiññāya ime pañca dhammā bhāvetabbā’’ti.
๓๐๗. ‘‘ราคสฺส , ภิกฺขเว, อภิญฺญาย ปญฺจ ธมฺมา ภาเวตพฺพาฯ กตเม ปญฺจ? สทฺธาพลํ, วีริยพลํ, สติพลํ, สมาธิพลํ, ปญฺญาพลํ – ราคสฺส, ภิกฺขเว, อภิญฺญาย อิเม ปญฺจ ธมฺมา ภาเวตพฺพา’’ติฯ
307. ‘‘Rāgassa , bhikkhave, abhiññāya pañca dhammā bhāvetabbā. Katame pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – rāgassa, bhikkhave, abhiññāya ime pañca dhammā bhāvetabbā’’ti.
๓๐๘-๑๑๕๑. ‘‘ราคสฺส, ภิกฺขเว, ปริญฺญาย… ปริกฺขยาย… ปหานาย… ขยาย… วยาย… วิราคาย… นิโรธาย… จาคาย… ปฎินิสฺสคฺคาย ปญฺจ ธมฺมา ภาเวตพฺพาฯ โทสสฺส… โมหสฺส… โกธสฺส… อุปนาหสฺส… มกฺขสฺส… ปฬาสสฺส… อิสฺสาย… มจฺฉริยสฺส… มายาย… สาเฐยฺยสฺส… ถมฺภสฺส… สารมฺภสฺส… มานสฺส… อติมานสฺส … มทสฺส… ปมาทสฺส อภิญฺญาย… ปริญฺญาย… ปริกฺขยาย… ปหานาย… ขยาย… วยาย… วิราคาย… นิโรธาย… จาคาย… ปฎินิสฺสคฺคาย ปญฺจ ธมฺมา ภาเวตพฺพาฯ
308-1151. ‘‘Rāgassa, bhikkhave, pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya pañca dhammā bhāvetabbā. Dosassa… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa … madassa… pamādassa abhiññāya… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya pañca dhammā bhāvetabbā.
‘‘กตเม ปญฺจ? สทฺธาพลํ, วีริยพลํ, สติพลํ, สมาธิพลํ, ปญฺญาพลํ – ปมาทสฺส, ภิกฺขเว, ปฎินิสฺสคฺคาย อิเม ปญฺจ ธมฺมา ภาเวตพฺพา’’ติฯ
‘‘Katame pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ – pamādassa, bhikkhave, paṭinissaggāya ime pañca dhammā bhāvetabbā’’ti.
ราคเปยฺยาลํ นิฎฺฐิตํฯ
Rāgapeyyālaṃ niṭṭhitaṃ.
ตสฺสุทฺทานํ –
Tassuddānaṃ –
อภิญฺญาย ปริญฺญาย ปริกฺขยาย,
Abhiññāya pariññāya parikkhayāya,
ปหานาย ขยาย วเยน จ;
Pahānāya khayāya vayena ca;
วิราคนิโรธา จาคญฺจ,
Virāganirodhā cāgañca,
ปฎินิสฺสโคฺค อิเม ทสาติฯ
Paṭinissaggo ime dasāti.
ปญฺจกนิปาโต นิฎฺฐิโตฯ
Pañcakanipāto niṭṭhito.
ตตฺริทํ วคฺคุทฺทานํ –
Tatridaṃ vagguddānaṃ –
เสขพลํ พลเญฺจว, ปญฺจงฺคิกญฺจ สุมนํ;
Sekhabalaṃ balañceva, pañcaṅgikañca sumanaṃ;
มุณฺฑนีวรณญฺจ สญฺญญฺจ, โยธาชีวญฺจ อฎฺฐมํ;
Muṇḍanīvaraṇañca saññañca, yodhājīvañca aṭṭhamaṃ;
เถรํ กกุธผาสุญฺจ, อนฺธกวินฺททฺวาทสํ;
Theraṃ kakudhaphāsuñca, andhakavindadvādasaṃ;
คิลานราชติกณฺฑํ, สทฺธมฺมาฆาตุปาสกํ;
Gilānarājatikaṇḍaṃ, saddhammāghātupāsakaṃ;
อรญฺญพฺราหฺมณเญฺจว, กิมิลโกฺกสกํ ตถา;
Araññabrāhmaṇañceva, kimilakkosakaṃ tathā;
ทีฆาจาราวาสิกญฺจ, ทุจฺจริตูปสมฺปทนฺติฯ
Dīghācārāvāsikañca, duccaritūpasampadanti.
ปญฺจกนิปาตปาฬิ นิฎฺฐิตาฯ
Pañcakanipātapāḷi niṭṭhitā.
Footnotes:
