| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૨૩. રાગપેય્યાલં
23. Rāgapeyyālaṃ
૨૩૭. ‘‘રાગસ્સ , ભિક્ખવે, અભિઞ્ઞાય દસ ધમ્મા ભાવેતબ્બા. કતમે દસ? અસુભસઞ્ઞા, મરણસઞ્ઞા, આહારે પટિકૂલસઞ્ઞા, સબ્બલોકે અનભિરતસઞ્ઞા, અનિચ્ચસઞ્ઞા, અનિચ્ચે દુક્ખસઞ્ઞા, દુક્ખે અનત્તસઞ્ઞા, પહાનસઞ્ઞા, વિરાગસઞ્ઞા, નિરોધસઞ્ઞા – રાગસ્સ, ભિક્ખવે, અભિઞ્ઞાય ઇમે દસ ધમ્મા ભાવેતબ્બા’’તિ.
237. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime dasa dhammā bhāvetabbā’’ti.
૨૩૮. ‘‘રાગસ્સ , ભિક્ખવે, અભિઞ્ઞાય દસ ધમ્મા ભાવેતબ્બા. કતમે દસ? અનિચ્ચસઞ્ઞા, અનત્તસઞ્ઞા, આહારે પટિકૂલસઞ્ઞા, સબ્બલોકે અનભિરતસઞ્ઞા, અટ્ઠિકસઞ્ઞા, પુળવકસઞ્ઞા 1, વિનીલકસઞ્ઞા, વિપુબ્બકસઞ્ઞા, વિચ્છિદ્દકસઞ્ઞા, ઉદ્ધુમાતકસઞ્ઞા – રાગસ્સ, ભિક્ખવે, અભિઞ્ઞાય ઇમે દસ ધમ્મા ભાવેતબ્બા’’તિ.
238. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Aniccasaññā, anattasaññā, āhāre paṭikūlasaññā, sabbaloke anabhiratasaññā, aṭṭhikasaññā, puḷavakasaññā 2, vinīlakasaññā, vipubbakasaññā, vicchiddakasaññā, uddhumātakasaññā – rāgassa, bhikkhave, abhiññāya ime dasa dhammā bhāvetabbā’’ti.
૨૩૯. ‘‘રાગસ્સ, ભિક્ખવે, અભિઞ્ઞાય દસ ધમ્મા ભાવેતબ્બા. કતમે દસ ? સમ્માદિટ્ઠિ, સમ્માસઙ્કપ્પો, સમ્માવાચા, સમ્માકમ્મન્તો, સમ્માઆજીવો, સમ્માવાયામો, સમ્માસતિ, સમ્માસમાધિ, સમ્માઞાણં, સમ્માવિમુત્તિ – રાગસ્સ, ભિક્ખવે, અભિઞ્ઞાય ઇમે દસ ધમ્મા ભાવેતબ્બા’’તિ.
239. ‘‘Rāgassa, bhikkhave, abhiññāya dasa dhammā bhāvetabbā. Katame dasa ? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ, sammāvimutti – rāgassa, bhikkhave, abhiññāya ime dasa dhammā bhāvetabbā’’ti.
૨૪૦-૨૬૬. ‘‘રાગસ્સ, ભિક્ખવે, પરિઞ્ઞાય…પે॰… પરિક્ખયાય… પહાનાય… ખયાય… વયાય… વિરાગાય… નિરોધાય… ( ) 3 ચાગાય… પટિનિસ્સગ્ગાય…પે॰… ઇમે દસ ધમ્મા ભાવેતબ્બા.
240-266. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… ( ) 4 cāgāya… paṭinissaggāya…pe… ime dasa dhammā bhāvetabbā.
૨૬૭-૭૪૬. ‘‘દોસસ્સ …પે॰… મોહસ્સ… કોધસ્સ… ઉપનાહસ્સ… મક્ખસ્સ… પળાસસ્સ… ઇસ્સાય… મચ્છરિયસ્સ… માયાય… સાઠેય્યસ્સ… થમ્ભસ્સ… સારમ્ભસ્સ… માનસ્સ… અતિમાનસ્સ… મદસ્સ… પમાદસ્સ પરિઞ્ઞાય…પે॰… પરિક્ખયાય… પહાનાય … ખયાય… વયાય… વિરાગાય… નિરોધાય… ( ) 5 ચાગાય… પટિનિસ્સગ્ગાય…પે॰… ઇમે દસ ધમ્મા ભાવેતબ્બા’’તિ.
267-746. ‘‘Dosassa …pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa pariññāya…pe… parikkhayāya… pahānāya … khayāya… vayāya… virāgāya… nirodhāya… ( ) 6 cāgāya… paṭinissaggāya…pe… ime dasa dhammā bhāvetabbā’’ti.
રાગપેય્યાલં નિટ્ઠિતં.
Rāgapeyyālaṃ niṭṭhitaṃ.
દસકનિપાતપાળિ નિટ્ઠિતા.
Dasakanipātapāḷi niṭṭhitā.
Footnotes:
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૫૩૬. પઠમનિરયસગ્ગસુત્તાદિવણ્ણના • 1-536. Paṭhamanirayasaggasuttādivaṇṇanā
