| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૪. રાગપેય્યાલં
4. Rāgapeyyālaṃ
૨૩૧. રાગસ્સ , ભિક્ખવે, અભિઞ્ઞાયાતિ પઞ્ચકામગુણિકરાગસ્સ અભિજાનનત્થં પચ્ચક્ખકરણત્થં. પરિઞ્ઞાયાતિ પરિજાનનત્થં. પરિક્ખયાયાતિ પરિક્ખયગમનત્થં. પહાનાયાતિ પજહનત્થં. ખયાય વયાયાતિ ખયવયગમનત્થં. વિરાગાયાતિ વિરજ્જનત્થં. નિરોધાયાતિ નિરુજ્ઝનત્થં. ચાગાયાતિ ચજનત્થં. પટિનિસ્સગ્ગાયાતિ પટિનિસ્સજ્જનત્થં.
231.Rāgassa, bhikkhave, abhiññāyāti pañcakāmaguṇikarāgassa abhijānanatthaṃ paccakkhakaraṇatthaṃ. Pariññāyāti parijānanatthaṃ. Parikkhayāyāti parikkhayagamanatthaṃ. Pahānāyāti pajahanatthaṃ. Khayāya vayāyāti khayavayagamanatthaṃ. Virāgāyāti virajjanatthaṃ. Nirodhāyāti nirujjhanatthaṃ. Cāgāyāti cajanatthaṃ. Paṭinissaggāyāti paṭinissajjanatthaṃ.
૨૩૨-૨૪૬. થમ્ભસ્સાતિ કોધમાનવસેન થદ્ધભાવસ્સ. સારબ્ભસ્સાતિ કારણુત્તરિયલક્ખણસ્સ સારબ્ભસ્સ. માનસ્સાતિ નવવિધમાનસ્સ. અતિમાનસ્સાતિ અતિક્કમિત્વા મઞ્ઞનમાનસ્સ. મદસ્સાતિ મજ્જનાકારમદસ્સ. પમાદસ્સાતિ સતિવિપ્પવાસસ્સ, પઞ્ચસુ કામગુણેસુ ચિત્તવોસ્સગ્ગસ્સ. સેસં સબ્બત્થ ઉત્તાનત્થમેવાતિ.
232-246.Thambhassāti kodhamānavasena thaddhabhāvassa. Sārabbhassāti kāraṇuttariyalakkhaṇassa sārabbhassa. Mānassāti navavidhamānassa. Atimānassāti atikkamitvā maññanamānassa. Madassāti majjanākāramadassa. Pamādassāti sativippavāsassa, pañcasu kāmaguṇesu cittavossaggassa. Sesaṃ sabbattha uttānatthamevāti.
રાગપેય્યાલં નિટ્ઠિતં.
Rāgapeyyālaṃ niṭṭhitaṃ.
મનોરથપૂરણિયા અઙ્ગુત્તરનિકાય-અટ્ઠકથાય
Manorathapūraṇiyā aṅguttaranikāya-aṭṭhakathāya
દુકનિપાતસ્સ સંવણ્ણના નિટ્ઠિતા.
Dukanipātassa saṃvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૪. રાગપેય્યાલં • 4. Rāgapeyyālaṃ
