| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
२३. रागपेय्यालं
23. Rāgapeyyālaṃ
२३७. ‘‘रागस्स , भिक्खवे, अभिञ्ञाय दस धम्मा भावेतब्बा। कतमे दस? असुभसञ्ञा, मरणसञ्ञा, आहारे पटिकूलसञ्ञा, सब्बलोके अनभिरतसञ्ञा, अनिच्चसञ्ञा, अनिच्चे दुक्खसञ्ञा, दुक्खे अनत्तसञ्ञा, पहानसञ्ञा, विरागसञ्ञा, निरोधसञ्ञा – रागस्स, भिक्खवे, अभिञ्ञाय इमे दस धम्मा भावेतब्बा’’ति।
237. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime dasa dhammā bhāvetabbā’’ti.
२३८. ‘‘रागस्स , भिक्खवे, अभिञ्ञाय दस धम्मा भावेतब्बा। कतमे दस? अनिच्चसञ्ञा, अनत्तसञ्ञा, आहारे पटिकूलसञ्ञा, सब्बलोके अनभिरतसञ्ञा, अट्ठिकसञ्ञा, पुळवकसञ्ञा 1, विनीलकसञ्ञा, विपुब्बकसञ्ञा, विच्छिद्दकसञ्ञा, उद्धुमातकसञ्ञा – रागस्स, भिक्खवे, अभिञ्ञाय इमे दस धम्मा भावेतब्बा’’ति।
238. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Aniccasaññā, anattasaññā, āhāre paṭikūlasaññā, sabbaloke anabhiratasaññā, aṭṭhikasaññā, puḷavakasaññā 2, vinīlakasaññā, vipubbakasaññā, vicchiddakasaññā, uddhumātakasaññā – rāgassa, bhikkhave, abhiññāya ime dasa dhammā bhāvetabbā’’ti.
२३९. ‘‘रागस्स, भिक्खवे, अभिञ्ञाय दस धम्मा भावेतब्बा। कतमे दस ? सम्मादिट्ठि, सम्मासङ्कप्पो, सम्मावाचा, सम्माकम्मन्तो, सम्माआजीवो, सम्मावायामो, सम्मासति, सम्मासमाधि, सम्माञाणं, सम्माविमुत्ति – रागस्स, भिक्खवे, अभिञ्ञाय इमे दस धम्मा भावेतब्बा’’ति।
239. ‘‘Rāgassa, bhikkhave, abhiññāya dasa dhammā bhāvetabbā. Katame dasa ? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ, sammāvimutti – rāgassa, bhikkhave, abhiññāya ime dasa dhammā bhāvetabbā’’ti.
२४०-२६६. ‘‘रागस्स, भिक्खवे, परिञ्ञाय…पे॰… परिक्खयाय… पहानाय… खयाय… वयाय… विरागाय… निरोधाय… ( ) 3 चागाय… पटिनिस्सग्गाय…पे॰… इमे दस धम्मा भावेतब्बा।
240-266. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… ( ) 4 cāgāya… paṭinissaggāya…pe… ime dasa dhammā bhāvetabbā.
२६७-७४६. ‘‘दोसस्स …पे॰… मोहस्स… कोधस्स… उपनाहस्स… मक्खस्स… पळासस्स… इस्साय… मच्छरियस्स… मायाय… साठेय्यस्स… थम्भस्स… सारम्भस्स… मानस्स… अतिमानस्स… मदस्स… पमादस्स परिञ्ञाय…पे॰… परिक्खयाय… पहानाय … खयाय… वयाय… विरागाय… निरोधाय… ( ) 5 चागाय… पटिनिस्सग्गाय…पे॰… इमे दस धम्मा भावेतब्बा’’ति।
267-746. ‘‘Dosassa …pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa pariññāya…pe… parikkhayāya… pahānāya … khayāya… vayāya… virāgāya… nirodhāya… ( ) 6 cāgāya… paṭinissaggāya…pe… ime dasa dhammā bhāvetabbā’’ti.
रागपेय्यालं निट्ठितं।
Rāgapeyyālaṃ niṭṭhitaṃ.
दसकनिपातपाळि निट्ठिता।
Dasakanipātapāḷi niṭṭhitā.
Footnotes:
Related texts:
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-५३६. पठमनिरयसग्गसुत्तादिवण्णना • 1-536. Paṭhamanirayasaggasuttādivaṇṇanā
