| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
২৩. রাগপেয্যালং
23. Rāgapeyyālaṃ
২৩৭. ‘‘রাগস্স , ভিক্খৰে, অভিঞ্ঞায দস ধম্মা ভাৰেতব্বা। কতমে দস? অসুভসঞ্ঞা, মরণসঞ্ঞা, আহারে পটিকূলসঞ্ঞা, সব্বলোকে অনভিরতসঞ্ঞা, অনিচ্চসঞ্ঞা, অনিচ্চে দুক্খসঞ্ঞা, দুক্খে অনত্তসঞ্ঞা, পহানসঞ্ঞা, ৰিরাগসঞ্ঞা, নিরোধসঞ্ঞা – রাগস্স, ভিক্খৰে, অভিঞ্ঞায ইমে দস ধম্মা ভাৰেতব্বা’’তি।
237. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime dasa dhammā bhāvetabbā’’ti.
২৩৮. ‘‘রাগস্স , ভিক্খৰে, অভিঞ্ঞায দস ধম্মা ভাৰেতব্বা। কতমে দস? অনিচ্চসঞ্ঞা, অনত্তসঞ্ঞা, আহারে পটিকূলসঞ্ঞা, সব্বলোকে অনভিরতসঞ্ঞা, অট্ঠিকসঞ্ঞা, পুল়ৰকসঞ্ঞা 1, ৰিনীলকসঞ্ঞা, ৰিপুব্বকসঞ্ঞা, ৰিচ্ছিদ্দকসঞ্ঞা, উদ্ধুমাতকসঞ্ঞা – রাগস্স, ভিক্খৰে, অভিঞ্ঞায ইমে দস ধম্মা ভাৰেতব্বা’’তি।
238. ‘‘Rāgassa , bhikkhave, abhiññāya dasa dhammā bhāvetabbā. Katame dasa? Aniccasaññā, anattasaññā, āhāre paṭikūlasaññā, sabbaloke anabhiratasaññā, aṭṭhikasaññā, puḷavakasaññā 2, vinīlakasaññā, vipubbakasaññā, vicchiddakasaññā, uddhumātakasaññā – rāgassa, bhikkhave, abhiññāya ime dasa dhammā bhāvetabbā’’ti.
২৩৯. ‘‘রাগস্স, ভিক্খৰে, অভিঞ্ঞায দস ধম্মা ভাৰেতব্বা। কতমে দস ? সম্মাদিট্ঠি, সম্মাসঙ্কপ্পো, সম্মাৰাচা, সম্মাকম্মন্তো, সম্মাআজীৰো, সম্মাৰাযামো, সম্মাসতি, সম্মাসমাধি, সম্মাঞাণং, সম্মাৰিমুত্তি – রাগস্স, ভিক্খৰে, অভিঞ্ঞায ইমে দস ধম্মা ভাৰেতব্বা’’তি।
239. ‘‘Rāgassa, bhikkhave, abhiññāya dasa dhammā bhāvetabbā. Katame dasa ? Sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ, sammāvimutti – rāgassa, bhikkhave, abhiññāya ime dasa dhammā bhāvetabbā’’ti.
২৪০-২৬৬. ‘‘রাগস্স, ভিক্খৰে, পরিঞ্ঞায…পে॰… পরিক্খযায… পহানায… খযায… ৰযায… ৰিরাগায… নিরোধায… ( ) 3 চাগায… পটিনিস্সগ্গায…পে॰… ইমে দস ধম্মা ভাৰেতব্বা।
240-266. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… ( ) 4 cāgāya… paṭinissaggāya…pe… ime dasa dhammā bhāvetabbā.
২৬৭-৭৪৬. ‘‘দোসস্স …পে॰… মোহস্স… কোধস্স… উপনাহস্স… মক্খস্স… পল়াসস্স… ইস্সায… মচ্ছরিযস্স… মাযায… সাঠেয্যস্স… থম্ভস্স… সারম্ভস্স… মানস্স… অতিমানস্স… মদস্স… পমাদস্স পরিঞ্ঞায…পে॰… পরিক্খযায… পহানায … খযায… ৰযায… ৰিরাগায… নিরোধায… ( ) 5 চাগায… পটিনিস্সগ্গায…পে॰… ইমে দস ধম্মা ভাৰেতব্বা’’তি।
267-746. ‘‘Dosassa …pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa pariññāya…pe… parikkhayāya… pahānāya … khayāya… vayāya… virāgāya… nirodhāya… ( ) 6 cāgāya… paṭinissaggāya…pe… ime dasa dhammā bhāvetabbā’’ti.
রাগপেয্যালং নিট্ঠিতং।
Rāgapeyyālaṃ niṭṭhitaṃ.
দসকনিপাতপাল়ি নিট্ঠিতা।
Dasakanipātapāḷi niṭṭhitā.
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৫৩৬. পঠমনিরযসগ্গসুত্তাদিৰণ্ণনা • 1-536. Paṭhamanirayasaggasuttādivaṇṇanā
