| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১১. রাগপেয্যালং
11. Rāgapeyyālaṃ
৬২৩. ‘‘রাগস্স , ভিক্খৰে, অভিঞ্ঞায সত্ত ধম্মা ভাৰেতব্বা। কতমে সত্ত? সতিসম্বোজ্ঝঙ্গো…পে॰… উপেক্খাসম্বোজ্ঝঙ্গো – রাগস্স, ভিক্খৰে, অভিঞ্ঞায ইমে সত্ত ধম্মা ভাৰেতব্বা’’তি।
623. ‘‘Rāgassa , bhikkhave, abhiññāya satta dhammā bhāvetabbā. Katame satta? Satisambojjhaṅgo…pe… upekkhāsambojjhaṅgo – rāgassa, bhikkhave, abhiññāya ime satta dhammā bhāvetabbā’’ti.
৬২৪. ‘‘রাগস্স, ভিক্খৰে, অভিঞ্ঞায সত্ত ধম্মা ভাৰেতব্বা। কতমে সত্ত? অনিচ্চসঞ্ঞা, অনত্তসঞ্ঞা, অসুভসঞ্ঞা, আদীনৰসঞ্ঞা, পহানসঞ্ঞা, ৰিরাগসঞ্ঞা, নিরোধসঞ্ঞা – রাগস্স, ভিক্খৰে, অভিঞ্ঞায ইমে সত্ত ধম্মা ভাৰেতব্বা’’তি।
624. ‘‘Rāgassa, bhikkhave, abhiññāya satta dhammā bhāvetabbā. Katame satta? Aniccasaññā, anattasaññā, asubhasaññā, ādīnavasaññā, pahānasaññā, virāgasaññā, nirodhasaññā – rāgassa, bhikkhave, abhiññāya ime satta dhammā bhāvetabbā’’ti.
৬২৫. ‘‘রাগস্স , ভিক্খৰে, অভিঞ্ঞায সত্ত ধম্মা ভাৰেতব্বা। কতমে সত্ত? অসুভসঞ্ঞা, মরণসঞ্ঞা, আহারে পটিকূলসঞ্ঞা, সব্বলোকে অনভিরতসঞ্ঞা, অনিচ্চসঞ্ঞা, অনিচ্চে দুক্খসঞ্ঞা, দুক্খে অনত্তসঞ্ঞা – রাগস্স, ভিক্খৰে, অভিঞ্ঞায ইমে সত্ত ধম্মা ভাৰেতব্বা’’তি।
625. ‘‘Rāgassa , bhikkhave, abhiññāya satta dhammā bhāvetabbā. Katame satta? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā – rāgassa, bhikkhave, abhiññāya ime satta dhammā bhāvetabbā’’ti.
৬২৬-৬৫২. ‘‘রাগস্স, ভিক্খৰে, পরিঞ্ঞায…পে॰… পরিক্খযায… পহানায… খযায… ৰযায… ৰিরাগায… নিরোধায… চাগায…পে॰… পটিনিস্সগ্গায ইমে সত্ত ধম্মা ভাৰেতব্বা’’তি।
626-652. ‘‘Rāgassa, bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya…pe… paṭinissaggāya ime satta dhammā bhāvetabbā’’ti.
৬৫৩-১১৩২. ‘‘দোসস্স…পে॰… মোহস্স… কোধস্স… উপনাহস্স… মক্খস্স… পল়াসস্স… ইস্সায… মচ্ছরিযস্স… মাযায… সাঠেয্যস্স… থম্ভস্স… সারম্ভস্স… মানস্স… অতিমানস্স… মদস্স… পমাদস্স অভিঞ্ঞায…পে॰… পরিঞ্ঞায… পরিক্খযায… পহানায… খযায… ৰযায… ৰিরাগায… নিরোধায… চাগায… পটিনিস্সগ্গায ইমে সত্ত ধম্মা ভাৰেতব্বা’’তি।
653-1132. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime satta dhammā bhāvetabbā’’ti.
ইদমৰোচ ভগৰা। অত্তমনা তে ভিক্খূ ভগৰতো ভাসিতং অভিনন্দুন্তি।
Idamavoca bhagavā. Attamanā te bhikkhū bhagavato bhāsitaṃ abhinandunti.
রাগপেয্যালং নিট্ঠিতং।
Rāgapeyyālaṃ niṭṭhitaṃ.
সত্তকনিপাতপাল়ি নিট্ঠিতা।
Sattakanipātapāḷi niṭṭhitā.
