| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. раад̇хаанижжасуд̇д̇ам̣
3. Rādhaaniccasuttaṃ
76. ат̇а ко ааяасмаа раад̇хо…бз… згаманд̇ам̣ нисинно ко ааяасмаа раад̇хо бхаг̇аванд̇ам̣ зд̇ад̣̇авожа – ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у , яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и. ‘‘яам̣ ко, раад̇ха, анижжам̣ д̇ад̇ра д̇з чанд̣̇о бахаад̇аб̣б̣о. гин̃жа, раад̇ха, анижжам̣ д̇ад̇ра д̇з чанд̣̇о бахаад̇аб̣б̣о? жагку анижжам̣ , руубаа анижжаа, жагкувин̃н̃аан̣ам̣… жагкусампассо… яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжам̣. д̇ад̇ра д̇з чанд̣̇о бахаад̇аб̣б̣о…бз… ж̇ивхаа… гааяо… мано анижжо. д̇ад̇ра д̇з чанд̣̇о бахаад̇аб̣б̣о. д̇хаммаа… мановин̃н̃аан̣ам̣… маносампассо… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби анижжам̣. д̇ад̇ра д̇з чанд̣̇о бахаад̇аб̣б̣о. яам̣ ко, раад̇ха, анижжам̣ д̇ад̇ра д̇з чанд̣̇о бахаад̇аб̣б̣о’’д̇и. д̇ад̇ияам̣.
76. Atha kho āyasmā rādho…pe… ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu , yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Yaṃ kho, rādha, aniccaṃ tatra te chando pahātabbo. Kiñca, rādha, aniccaṃ tatra te chando pahātabbo? Cakkhu aniccaṃ , rūpā aniccā, cakkhuviññāṇaṃ… cakkhusamphasso… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ. Tatra te chando pahātabbo…pe… jivhā… kāyo… mano anicco. Tatra te chando pahātabbo. Dhammā… manoviññāṇaṃ… manosamphasso… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ. Tatra te chando pahātabbo. Yaṃ kho, rādha, aniccaṃ tatra te chando pahātabbo’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-5. батамаг̇илаанасуд̇д̇аад̣̇иван̣н̣анаа • 1-5. Paṭhamagilānasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-5. батамаг̇илаанасуд̇д̇аад̣̇иван̣н̣анаа • 1-5. Paṭhamagilānasuttādivaṇṇanā
