| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਪੁਤ੍ਤਸੁਤ੍ਤવਣ੍ਣਨਾ
9. Puttasuttavaṇṇanā
੩੯. ਨવਮੇ ਭਤੋ વਾ ਨੋ ਭਰਿਸ੍ਸਤੀਤਿ ਅਮ੍ਹੇਹਿ ਥਞ੍ਞਪਾਯਨਹਤ੍ਥਪਾਦવਡ੍ਢਨਾਦੀਹਿ ਭਤੋ ਪਟਿਜਗ੍ਗਿਤੋ ਅਮ੍ਹੇ ਮਹਲ੍ਲਕਕਾਲੇ ਹਤ੍ਥਪਾਦਧੋવਨ-ਨ੍ਹਾਪਨਯਾਗੁਭਤ੍ਤਦਾਨਾਦੀਹਿ ਭਰਿਸ੍ਸਤਿ। ਕਿਚ੍ਚਂ વਾ ਨੋ ਕਰਿਸ੍ਸਤੀਤਿ ਅਤ੍ਤਨੋ ਕਮ੍ਮਂ ਠਪੇਤ੍વਾ ਅਮ੍ਹਾਕਂ ਰਾਜਕੁਲਾਦੀਸੁ ਉਪ੍ਪਨ੍ਨਂ ਕਿਚ੍ਚਂ ਗਨ੍ਤ੍વਾ ਕਰਿਸ੍ਸਤਿ । ਕੁਲવਂਸੋ ਚਿਰਂ ਠਸ੍ਸਤੀਤਿ ਅਮ੍ਹਾਕਂ ਸਨ੍ਤਕਂ ਖੇਤ੍ਤવਤ੍ਥੁਹਿਰਞ੍ਞਸੁવਣ੍ਣਾਦਿਂ ਅવਿਨਾਸੇਤ੍વਾ ਰਕ੍ਖਨ੍ਤੇ ਪੁਤ੍ਤੇ ਕੁਲવਂਸੋ ਚਿਰਂ ਠਸ੍ਸਤਿ, ਅਮ੍ਹੇਹਿ વਾ ਪવਤ੍ਤਿਤਾਨਿ ਸਲਾਕਭਤ੍ਤਾਦੀਨਿ ਅਨੁਪਚ੍ਛਿਨ੍ਦਿਤ੍વਾ ਪવਤ੍ਤੇਸ੍ਸਤਿ, ਏવਮ੍ਪਿ ਨੋ ਕੁਲવਂਸੋ ਚਿਰਂ ਠਸ੍ਸਤਿ। ਦਾਯਜ੍ਜਂ ਪਟਿਪਜ੍ਜਿਸ੍ਸਤੀਤਿ ਕੁਲવਂਸਾਨੁਰੂਪਾਯ ਪਟਿਪਤ੍ਤਿਯਾ ਅਤ੍ਤਾਨਂ ਦਾਯਜ੍ਜਾਰਹਂ ਕਰੋਨ੍ਤੋ ਅਮ੍ਹਾਕਂ ਸਨ੍ਤਕਂ ਦਾਯਜ੍ਜਂ ਪਟਿਪਜ੍ਜਿਸ੍ਸਤਿ। ਦਕ੍ਖਿਣਂ ਅਨੁਪ੍ਪਦਸ੍ਸਤੀਤਿ ਪਤ੍ਤਿਦਾਨਂ ਕਤ੍વਾ ਤਤਿਯਦਿવਸਤੋ ਪਟ੍ਠਾਯ ਦਾਨਂ ਅਨੁਪ੍ਪਦਸ੍ਸਤਿ।
39. Navame bhato vā no bharissatīti amhehi thaññapāyanahatthapādavaḍḍhanādīhi bhato paṭijaggito amhe mahallakakāle hatthapādadhovana-nhāpanayāgubhattadānādīhi bharissati. Kiccaṃ vā no karissatīti attano kammaṃ ṭhapetvā amhākaṃ rājakulādīsu uppannaṃ kiccaṃ gantvā karissati . Kulavaṃso ciraṃ ṭhassatīti amhākaṃ santakaṃ khettavatthuhiraññasuvaṇṇādiṃ avināsetvā rakkhante putte kulavaṃso ciraṃ ṭhassati, amhehi vā pavattitāni salākabhattādīni anupacchinditvā pavattessati, evampi no kulavaṃso ciraṃ ṭhassati. Dāyajjaṃ paṭipajjissatīti kulavaṃsānurūpāya paṭipattiyā attānaṃ dāyajjārahaṃ karonto amhākaṃ santakaṃ dāyajjaṃ paṭipajjissati. Dakkhiṇaṃ anuppadassatīti pattidānaṃ katvā tatiyadivasato paṭṭhāya dānaṃ anuppadassati.
ਸਨ੍ਤੋ ਸਪ੍ਪੁਰਿਸਾਤਿ ਇਮਸ੍ਮਿਂ ਠਾਨੇ ਮਾਤਾਪਿਤੂਸੁ ਸਮ੍ਮਾ ਪਟਿਪਤ੍ਤਿਯਾ ਸਨ੍ਤੋ ਸਪ੍ਪੁਰਿਸਾਤਿ વੇਦਿਤਬ੍ਬਾ। ਪੁਬ੍ਬੇ ਕਤਮਨੁਸ੍ਸਰਨ੍ਤਿ ਮਾਤਾਪਿਤੂਹਿ ਪਠਮਤਰਂ ਕਤਗੁਣਂ ਅਨੁਸ੍ਸਰਨ੍ਤਾ। ਓવਾਦਕਾਰੀਤਿ ਮਾਤਾਪਿਤੂਹਿ ਦਿਨ੍ਨਸ੍ਸ ਓવਾਦਸ੍ਸ ਕਤ੍ਤਾ। ਭਤਪੋਸੀਤਿ ਯੇਹਿ ਭਤੋ, ਤੇਸਂ ਪੋਸਕੋ। ਪਸਂਸਿਯੋਤਿ ਦਿਟ੍ਠੇવ ਧਮ੍ਮੇ ਮਹਾਜਨੇਨ ਪਸਂਸਿਤਬ੍ਬੋ ਹੋਤਿ।
Santo sappurisāti imasmiṃ ṭhāne mātāpitūsu sammā paṭipattiyā santo sappurisāti veditabbā. Pubbe katamanussaranti mātāpitūhi paṭhamataraṃ kataguṇaṃ anussarantā. Ovādakārīti mātāpitūhi dinnassa ovādassa kattā. Bhataposīti yehi bhato, tesaṃ posako. Pasaṃsiyoti diṭṭheva dhamme mahājanena pasaṃsitabbo hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਪੁਤ੍ਤਸੁਤ੍ਤਂ • 9. Puttasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯-੧੦. ਪੁਤ੍ਤਸੁਤ੍ਤਾਦਿવਣ੍ਣਨਾ • 9-10. Puttasuttādivaṇṇanā
