| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਪੁਰਿਸਸੁਤ੍ਤવਣ੍ਣਨਾ
2. Purisasuttavaṇṇanā
੧੧੩. ਪੁਰਿਮਸੁਤ੍ਤੇਤਿ ਪੁਰਿਮਸੁਤ੍ਤਦੇਸਨਾਯਂ। ਤਤ੍ਥ ਹਿ ਉਪਸਙ੍ਕਮਨ੍ਤવੇਲਾਯ ਸਤ੍ਥੁ ਗੁਣੇ ਅਜਾਨਨ੍ਤੋ ਕੇવਲਂ ਸਮ੍ਮੋਦਨਂ ਕਰੋਤਿ। ਦੇਸਨਂ ਸੁਤ੍વਾ ਪਨ ਸਤ੍ਥੁ ਗੁਣੇ ਞਤ੍વਾ ਸਰਣਙ੍ਗਤਤ੍ਤਾ ਇਧ ਇਮਸ੍ਮਿਂ ਸਮਾਗਮੇ ਅਭਿવਾਦੇਸਿ ਪਞ੍ਚਪਤਿਟ੍ਠਿਤੇਨ વਨ੍ਦਿ। ਅਤ੍ਤਾਨਂ ਅਧਿ ਅਜ੍ਝਤ੍ਤਂ, ਅવਿਜਹੇਨ ਅਤ੍ਤਾਨਂ ਅਧਿਕਿਚ੍ਚ ਉਦ੍ਦਿਸ੍ਸ ਪવਤ੍ਤਧਮ੍ਮਾ ਅਜ੍ਝਤ੍ਤਂ ਏਕਜ੍ਝਂ ਗਹਣવਸੇਨ, ਭੁਮ੍ਮਤ੍ਥੇ ਚੇਤਂ ਪਚ੍ਚਤ੍ਤવਚਨਂ। ਕਾਮਞ੍ਚਾਯਂ ਅਜ੍ਝਤ੍ਤਸਦ੍ਦੋ ਗੋਚਰਜ੍ਝਤ੍ਤવਿਸਯਜ੍ਝਤ੍ਤਅਜ੍ਝਤ੍ਤਜ੍ਝਤ੍ਤੇਸੁ ਪવਤ੍ਤਤਿ। ਤੇ ਪਨੇਤ੍ਥ ਨ ਯੁਜ੍ਜਨ੍ਤੀਤਿ વੁਤ੍ਤਂ ‘‘ਨਿਯਕਜ੍ਝਤ੍ਤ’’ਨ੍ਤਿ, ਨਿਯਕਸਙ੍ਖਾਤਅਜ੍ਝਤ੍ਤਧਮ੍ਮੇਸੂਤਿ ਅਤ੍ਥੋ। ਤੇਨਾਹ ‘‘ਅਤ੍ਤਨੋ ਸਨ੍ਤਾਨੇ’’ਤਿ। ਲੁਬ੍ਭਨਲਕ੍ਖਣੋਤਿ ਗਿਜ੍ਝਨਲਕ੍ਖਣੋ, ਆਰਮ੍ਮਣੇ ਦਲ਼੍ਹਗ੍ਗਹਣਸਭਾવੋਤਿ ਅਤ੍ਥੋ। ਦੁਸ੍ਸਨਲਕ੍ਖਣੋਤਿ ਕੁਜ੍ਝਨਲਕ੍ਖਣੋ, ਬ੍ਯਾਪਜ੍ਜਨਸਭਾવੋਤਿ ਅਤ੍ਥੋ। ਮੁਯ੍ਹਨਲਕ੍ਖਣੋਤਿ ਅਞ੍ਞਾਣਲਕ੍ਖਣੋ, ਆਰਮ੍ਮਣੇ ਸਭਾવਸਮ੍ਮੋਹਭਾવੋਤਿ ਅਤ੍ਥੋ। વਿਹੇਠੇਨ੍ਤੀਤਿ ਅਤ੍ਥਨਾਸਨਅਨਤ੍ਥੁਪ੍ਪਾਦਨੇਹਿ વਿਬਾਧੇਨ੍ਤਿ। ਤਤੋ ਏવ ਯਥਾ ਸਗ੍ਗਮਗ੍ਗੇਸੁ ਨ ਦਿਸ੍ਸਤਿ, ਏવਂ ਕਰੋਨ੍ਤੀਤਿ ਆਹ ‘‘ਨਾਸੇਨ੍ਤਿ વਿਨਾਸੇਨ੍ਤੀ’’ਤਿ। ਅਤ੍ਤਨਿ ਸਮ੍ਭੂਤਾਤਿ ਸਨ੍ਤਾਨੇ ਨਿਬ੍ਬਤ੍ਤਾ।
113.Purimasutteti purimasuttadesanāyaṃ. Tattha hi upasaṅkamantavelāya satthu guṇe ajānanto kevalaṃ sammodanaṃ karoti. Desanaṃ sutvā pana satthu guṇe ñatvā saraṇaṅgatattā idha imasmiṃ samāgame abhivādesi pañcapatiṭṭhitena vandi. Attānaṃ adhi ajjhattaṃ, avijahena attānaṃ adhikicca uddissa pavattadhammā ajjhattaṃ ekajjhaṃ gahaṇavasena, bhummatthe cetaṃ paccattavacanaṃ. Kāmañcāyaṃ ajjhattasaddo gocarajjhattavisayajjhattaajjhattajjhattesu pavattati. Te panettha na yujjantīti vuttaṃ ‘‘niyakajjhatta’’nti, niyakasaṅkhātaajjhattadhammesūti attho. Tenāha ‘‘attano santāne’’ti. Lubbhanalakkhaṇoti gijjhanalakkhaṇo, ārammaṇe daḷhaggahaṇasabhāvoti attho. Dussanalakkhaṇoti kujjhanalakkhaṇo, byāpajjanasabhāvoti attho. Muyhanalakkhaṇoti aññāṇalakkhaṇo, ārammaṇe sabhāvasammohabhāvoti attho. Viheṭhentīti atthanāsanaanatthuppādanehi vibādhenti. Tato eva yathā saggamaggesu na dissati, evaṃ karontīti āha ‘‘nāsenti vināsentī’’ti. Attani sambhūtāti santāne nibbattā.
ਪੁਰਿਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Purisasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਪੁਰਿਸਸੁਤ੍ਤਂ • 2. Purisasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਪੁਰਿਸਸੁਤ੍ਤવਣ੍ਣਨਾ • 2. Purisasuttavaṇṇanā
