| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨. પુરિસસુત્તવણ્ણના
2. Purisasuttavaṇṇanā
૧૧૩. દુતિયે અભિવાદેત્વાતિ પુરિમસુત્તે સરણગતત્તા ઇધ અભિવાદેસિ. અજ્ઝત્તન્તિ નિયકજ્ઝત્તં, અત્તનો સન્તાને ઉપ્પજ્જન્તીતિ અત્થો. લોભાદીસુ લુબ્ભનલક્ખણો લોભો, દુસ્સનલક્ખણો દોસો, મુય્હનલક્ખણો મોહોતિ. હિંસન્તીતિ વિહેઠેન્તિ નાસેન્તિ વિનાસેન્તિ. અત્તસમ્ભૂતાતિ અત્તનિ સમ્ભૂતા. તચસારંવ સમ્ફલન્તિ યથા તચસારં વેળું વા નળં વા અત્તનો ફલં હિંસતિ વિનાસેતિ, એવં હિંસન્તિ વિનાસેન્તીતિ. દુતિયં.
113. Dutiye abhivādetvāti purimasutte saraṇagatattā idha abhivādesi. Ajjhattanti niyakajjhattaṃ, attano santāne uppajjantīti attho. Lobhādīsu lubbhanalakkhaṇo lobho, dussanalakkhaṇo doso, muyhanalakkhaṇo mohoti. Hiṃsantīti viheṭhenti nāsenti vināsenti. Attasambhūtāti attani sambhūtā. Tacasāraṃva samphalanti yathā tacasāraṃ veḷuṃ vā naḷaṃ vā attano phalaṃ hiṃsati vināseti, evaṃ hiṃsanti vināsentīti. Dutiyaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. પુરિસસુત્તં • 2. Purisasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨. પુરિસસુત્તવણ્ણના • 2. Purisasuttavaṇṇanā
