| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਪੁਰਿਸਸੁਤ੍ਤਂ
2. Purisasuttaṃ
੨੮੧. ‘‘ਪਞ੍ਚਹਿ, ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤੋ ਪੁਰਿਸੋ ਏਕਨ੍ਤਅਮਨਾਪੋ ਹੋਤਿ ਮਾਤੁਗਾਮਸ੍ਸ। ਕਤਮੇਹਿ ਪਞ੍ਚਹਿ? ਨ ਚ ਰੂਪવਾ ਹੋਤਿ, ਨ ਚ ਭੋਗવਾ ਹੋਤਿ, ਨ ਚ ਸੀਲવਾ ਹੋਤਿ, ਅਲਸੋ ਚ ਹੋਤਿ, ਪਜਞ੍ਚਸ੍ਸ ਨ ਲਭਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਅਙ੍ਗੇਹਿ ਸਮਨ੍ਨਾਗਤੋ ਪੁਰਿਸੋ ਏਕਨ੍ਤਅਮਨਾਪੋ ਹੋਤਿ ਮਾਤੁਗਾਮਸ੍ਸ। ਪਞ੍ਚਹਿ, ਭਿਕ੍ਖવੇ, ਅਙ੍ਗੇਹਿ ਸਮਨ੍ਨਾਗਤੋ ਪੁਰਿਸੋ ਏਕਨ੍ਤਮਨਾਪੋ ਹੋਤਿ ਮਾਤੁਗਾਮਸ੍ਸ। ਕਤਮੇਹਿ ਪਞ੍ਚਹਿ? ਰੂਪવਾ ਚ ਹੋਤਿ, ਭੋਗવਾ ਚ ਹੋਤਿ, ਸੀਲવਾ ਚ ਹੋਤਿ, ਦਕ੍ਖੋ ਚ ਹੋਤਿ ਅਨਲਸੋ, ਪਜਞ੍ਚਸ੍ਸ ਲਭਤਿ – ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਅਙ੍ਗੇਹਿ ਸਮਨ੍ਨਾਗਤੋ ਪੁਰਿਸੋ ਏਕਨ੍ਤਮਨਾਪੋ ਹੋਤਿ ਮਾਤੁਗਾਮਸ੍ਸਾ’’ਤਿ। ਦੁਤਿਯਂ।
281. ‘‘Pañcahi, bhikkhave, aṅgehi samannāgato puriso ekantaamanāpo hoti mātugāmassa. Katamehi pañcahi? Na ca rūpavā hoti, na ca bhogavā hoti, na ca sīlavā hoti, alaso ca hoti, pajañcassa na labhati – imehi kho, bhikkhave, pañcahi aṅgehi samannāgato puriso ekantaamanāpo hoti mātugāmassa. Pañcahi, bhikkhave, aṅgehi samannāgato puriso ekantamanāpo hoti mātugāmassa. Katamehi pañcahi? Rūpavā ca hoti, bhogavā ca hoti, sīlavā ca hoti, dakkho ca hoti analaso, pajañcassa labhati – imehi kho, bhikkhave, pañcahi aṅgehi samannāgato puriso ekantamanāpo hoti mātugāmassā’’ti. Dutiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੨. ਮਾਤੁਗਾਮਸੁਤ੍ਤਾਦਿવਣ੍ਣਨਾ • 1-2. Mātugāmasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੨. ਮਾਤੁਗਾਮਸੁਤ੍ਤਾਦਿવਣ੍ਣਨਾ • 1-2. Mātugāmasuttādivaṇṇanā
