| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. པུརིསསུཏྟཾ
2. Purisasuttaṃ
༢༨༡. ‘‘པཉྩཧི, བྷིཀྑཝེ, ཨངྒེཧི སམནྣཱགཏོ པུརིསོ ཨེཀནྟཨམནཱཔོ ཧོཏི མཱཏུགཱམསྶ། ཀཏམེཧི པཉྩཧི? ན ཙ རཱུཔཝཱ ཧོཏི, ན ཙ བྷོགཝཱ ཧོཏི, ན ཙ སཱིལཝཱ ཧོཏི, ཨལསོ ཙ ཧོཏི, པཛཉྩསྶ ན ལབྷཏི – ཨིམེཧི ཁོ, བྷིཀྑཝེ, པཉྩཧི ཨངྒེཧི སམནྣཱགཏོ པུརིསོ ཨེཀནྟཨམནཱཔོ ཧོཏི མཱཏུགཱམསྶ། པཉྩཧི, བྷིཀྑཝེ, ཨངྒེཧི སམནྣཱགཏོ པུརིསོ ཨེཀནྟམནཱཔོ ཧོཏི མཱཏུགཱམསྶ། ཀཏམེཧི པཉྩཧི? རཱུཔཝཱ ཙ ཧོཏི, བྷོགཝཱ ཙ ཧོཏི, སཱིལཝཱ ཙ ཧོཏི, དཀྑོ ཙ ཧོཏི ཨནལསོ, པཛཉྩསྶ ལབྷཏི – ཨིམེཧི ཁོ, བྷིཀྑཝེ, པཉྩཧི ཨངྒེཧི སམནྣཱགཏོ པུརིསོ ཨེཀནྟམནཱཔོ ཧོཏི མཱཏུགཱམསྶཱ’’ཏི། དུཏིཡཾ།
281. ‘‘Pañcahi, bhikkhave, aṅgehi samannāgato puriso ekantaamanāpo hoti mātugāmassa. Katamehi pañcahi? Na ca rūpavā hoti, na ca bhogavā hoti, na ca sīlavā hoti, alaso ca hoti, pajañcassa na labhati – imehi kho, bhikkhave, pañcahi aṅgehi samannāgato puriso ekantaamanāpo hoti mātugāmassa. Pañcahi, bhikkhave, aṅgehi samannāgato puriso ekantamanāpo hoti mātugāmassa. Katamehi pañcahi? Rūpavā ca hoti, bhogavā ca hoti, sīlavā ca hoti, dakkho ca hoti analaso, pajañcassa labhati – imehi kho, bhikkhave, pañcahi aṅgehi samannāgato puriso ekantamanāpo hoti mātugāmassā’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡-༢. མཱཏུགཱམསུཏྟཱདིཝཎྞནཱ • 1-2. Mātugāmasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡-༢. མཱཏུགཱམསུཏྟཱདིཝཎྞནཱ • 1-2. Mātugāmasuttādivaṇṇanā
