| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༡༠. པུརེཛཱཏཔཙྩཡནིདྡེསཝཎྞནཱ
10. Purejātapaccayaniddesavaṇṇanā
༡༠. ནཡདསྶནཝསེན ཡཱནི ཝིནཱ ཨཱརམྨཎཔུརེཛཱཏེན ན ཝཏྟནྟི, ཏེསཾ ཙཀྑུཝིཉྙཱཎཱདཱིནཾ ཨཱརམྨཎཔུརེཛཱཏདསྶནེན མནོདྭཱརེཔི ཡཾ ཡདཱརམྨཎཔུརེཛཱཏེན ཝཏྟཏི, ཏསྶ ཏདཱལམྦིཏཾ སབྦམྤི རཱུཔརཱུཔཾ ཨཱརམྨཎཔུརེཛཱཏནྟི དསྶིཏམེཝ ཧོཏི, སརཱུཔེན པན ཨདསྶིཏཏྟཱ ‘‘སཱཝསེསཝསེན དེསནཱ ཀཏཱ’’ཏི ཨཱཧ། ཙིཏྟཝསེན ཀཱཡཾ པརིཎཱམཡཏོ ཨིདྡྷིཝིདྷཱབྷིཉྙཱཡ ཙ ཨཊྛཱརསསུ ཡཾཀིཉྩི ཨཱརམྨཎཔུརེཛཱཏཾ ཧོཏཱིཏི དཊྛབྦཾ།
10. Nayadassanavasena yāni vinā ārammaṇapurejātena na vattanti, tesaṃ cakkhuviññāṇādīnaṃ ārammaṇapurejātadassanena manodvārepi yaṃ yadārammaṇapurejātena vattati, tassa tadālambitaṃ sabbampi rūparūpaṃ ārammaṇapurejātanti dassitameva hoti, sarūpena pana adassitattā ‘‘sāvasesavasena desanā katā’’ti āha. Cittavasena kāyaṃ pariṇāmayato iddhividhābhiññāya ca aṭṭhārasasu yaṃkiñci ārammaṇapurejātaṃ hotīti daṭṭhabbaṃ.
ཏདཱརམྨཎབྷཱཝིནོཏི ཨེཏྠ པཊིསནྡྷིབྷཱཝིནོ ཝཏྠུཔུརེཛཱཏཱབྷཱཝེན ཨིཏརསྶཔི ཨབྷཱཝཱ ཨགྒཧཎཾ། བྷཝངྒབྷཱཝིནོ པན གཧཎཾ ཀཱཏབྦཾ ན ཝཱ ཀཱཏབྦཾ པཊིསནྡྷིཡཱ ཝིཡ ཨཔརིབྱཏྟསྶ ཨཱརམྨཎསྶ ཨཱརམྨཎམཏྟབྷཱཝཏོ, ‘‘མནོདྷཱཏཱུནཉྩཱ’’ཏི ཨེཏྠ སནྟཱིརཎབྷཱཝིནོ མནོཝིཉྙཱཎདྷཱཏུཡཱཔི།
Tadārammaṇabhāvinoti ettha paṭisandhibhāvino vatthupurejātābhāvena itarassapi abhāvā aggahaṇaṃ. Bhavaṅgabhāvino pana gahaṇaṃ kātabbaṃ na vā kātabbaṃ paṭisandhiyā viya aparibyattassa ārammaṇassa ārammaṇamattabhāvato, ‘‘manodhātūnañcā’’ti ettha santīraṇabhāvino manoviññāṇadhātuyāpi.
པུརེཛཱཏཔཙྩཡནིདྡེསཝཎྞནཱ ནིཊྛིཏཱ།
Purejātapaccayaniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / པཊྛཱནཔཱལི༹ • Paṭṭhānapāḷi / (༢) པཙྩཡནིདྡེསོ • (2) Paccayaniddeso
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༠. པུརེཛཱཏཔཙྩཡནིདྡེསཝཎྞནཱ • 10. Purejātapaccayaniddesavaṇṇanā
