| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-པུརཱཎ-ཊཱིཀཱ • Kaṅkhāvitaraṇī-purāṇa-ṭīkā |
༤. པུརཱཎཙཱིཝརསིཀྑཱཔདཝཎྞནཱ
4. Purāṇacīvarasikkhāpadavaṇṇanā
‘‘སཱཀིཡཱནིཡོ ཝིཡ སུདྡྷབྷིཀྑུསངྒྷེ ཝཱ’’ཏི ཨིདཾ ‘‘བྷིཀྑུནཱི ནཱམ ཨུབྷཏོསངྒྷེ ཨུཔསམྤནྣཱ’’ཏི (པཱརཱ॰ ༥༠༥) ཨིམིནཱ ཝིརུཛ྄ཛྷཏཱིཏི ཙེ? ན, ཨདྷིཔྤཱཡཱཛཱནནཏོ ། བྷིཀྑཱུནཾ སནྟིཀེ ཨུཔསམྤདཱཡ པཊིཀྑིཏྟཏྟཱ ཏདནུཔྤསངྒབྷཡཱ ཨེཝཾ ཝུཏྟནྟི ཝེདིཏབྦཾ།
‘‘Sākiyāniyo viya suddhabhikkhusaṅghe vā’’ti idaṃ ‘‘bhikkhunī nāma ubhatosaṅghe upasampannā’’ti (pārā. 505) iminā virujjhatīti ce? Na, adhippāyājānanato . Bhikkhūnaṃ santike upasampadāya paṭikkhittattā tadanuppasaṅgabhayā evaṃ vuttanti veditabbaṃ.
ཨེཀེན ཝཏྠུནཱཏི ཡེན ཀེནཙི པཋམེན། ཨཝུཏྟཱ ཝཱ དྷོཝཏཱིཏི ཨཝུཏྟཱ དྷོཝཏི, རཛཏི ཨཱཀོཊེཏཱིཏི ཨཏྠོ། ‘‘‘ཨཝུཏྟཱ’ཏི ཝཙནཏོ ཨཝཱདཱཔེཏྭཱ དྷོཝནཱདཱིསུ ཨནཱཔཏྟཱི’’ཏི ལིཁིཏཾ། ཨིདྷ ཙཱིཝརཾ ནཱམ ནིཝཱསནཔཱརུཔནཱུཔགམེཝ། ཡདི ཨེཝཾ ‘‘ནིཝཱསནཔཱརུཔནཱུཔགམེཝ ཝཏྟབྦ’’ནྟི ཙེ? ཏཾ ན ཝཏྟབྦཾ ‘‘པུརཱཎཙཱིཝར’’ནྟི ཨིམིནཱཝ སིདྡྷཏྟཱ། ཝུཏྟཉྷེཏཾ ‘‘པུརཱཎཙཱིཝརཾ ནཱམ སཀིཾ ནིཝཏྠམྤི སཀིཾ པཱརུཏམྤཱི’’ཏི (པཱརཱ॰ ༥༠༥)།
Ekena vatthunāti yena kenaci paṭhamena. Avuttā vā dhovatīti avuttā dhovati, rajati ākoṭetīti attho. ‘‘‘Avuttā’ti vacanato avādāpetvā dhovanādīsu anāpattī’’ti likhitaṃ. Idha cīvaraṃ nāma nivāsanapārupanūpagameva. Yadi evaṃ ‘‘nivāsanapārupanūpagameva vattabba’’nti ce? Taṃ na vattabbaṃ ‘‘purāṇacīvara’’nti imināva siddhattā. Vuttañhetaṃ ‘‘purāṇacīvaraṃ nāma sakiṃ nivatthampi sakiṃ pārutampī’’ti (pārā. 505).
པུརཱཎཙཱིཝརསིཀྑཱཔདཝཎྞནཱ ནིཊྛིཏཱ།
Purāṇacīvarasikkhāpadavaṇṇanā niṭṭhitā.
