| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
4. புராணசீவரஸிக்கா²பத³வண்ணனா
4. Purāṇacīvarasikkhāpadavaṇṇanā
‘‘ஸாகியானியோ விய ஸுத்³த⁴பி⁴க்கு²ஸங்கே⁴ வா’’தி இத³ங் ‘‘பி⁴க்கு²னீ நாம உப⁴தோஸங்கே⁴ உபஸம்பன்னா’’தி (பாரா॰ 505) இமினா விருஜ்ஜ²தீதி சே? ந, அதி⁴ப்பாயாஜானநதோ . பி⁴க்கூ²னங் ஸந்திகே உபஸம்பதா³ய படிக்கி²த்தத்தா தத³னுப்பஸங்க³ப⁴யா ஏவங் வுத்தந்தி வேதி³தப்³ப³ங்.
‘‘Sākiyāniyo viya suddhabhikkhusaṅghe vā’’ti idaṃ ‘‘bhikkhunī nāma ubhatosaṅghe upasampannā’’ti (pārā. 505) iminā virujjhatīti ce? Na, adhippāyājānanato . Bhikkhūnaṃ santike upasampadāya paṭikkhittattā tadanuppasaṅgabhayā evaṃ vuttanti veditabbaṃ.
ஏகேன வத்து²னாதி யேன கேனசி பட²மேன. அவுத்தா வா தோ⁴வதீதி அவுத்தா தோ⁴வதி, ரஜதி ஆகோடேதீதி அத்தோ². ‘‘‘அவுத்தா’தி வசனதோ அவாதா³பெத்வா தோ⁴வனாதீ³ஸு அனாபத்தீ’’தி லிகி²தங். இத⁴ சீவரங் நாம நிவாஸனபாருபனூபக³மேவ. யதி³ ஏவங் ‘‘நிவாஸனபாருபனூபக³மேவ வத்தப்³ப³’’ந்தி சே? தங் ந வத்தப்³ப³ங் ‘‘புராணசீவர’’ந்தி இமினாவ ஸித்³த⁴த்தா. வுத்தஞ்ஹேதங் ‘‘புராணசீவரங் நாம ஸகிங் நிவத்த²ம்பி ஸகிங் பாருதம்பீ’’தி (பாரா॰ 505).
Ekena vatthunāti yena kenaci paṭhamena. Avuttā vā dhovatīti avuttā dhovati, rajati ākoṭetīti attho. ‘‘‘Avuttā’ti vacanato avādāpetvā dhovanādīsu anāpattī’’ti likhitaṃ. Idha cīvaraṃ nāma nivāsanapārupanūpagameva. Yadi evaṃ ‘‘nivāsanapārupanūpagameva vattabba’’nti ce? Taṃ na vattabbaṃ ‘‘purāṇacīvara’’nti imināva siddhattā. Vuttañhetaṃ ‘‘purāṇacīvaraṃ nāma sakiṃ nivatthampi sakiṃ pārutampī’’ti (pārā. 505).
புராணசீவரஸிக்கா²பத³வண்ணனா நிட்டி²தா.
Purāṇacīvarasikkhāpadavaṇṇanā niṭṭhitā.
