| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. புப்ப²தூ²பியத்தே²ரஅபதா³னங்
2. Pupphathūpiyattheraapadānaṃ
10.
10.
வேமஜ்ஜே² தஸ்ஸ வஸதி, ப்³ராஹ்மணோ மந்தபாரகூ³.
Vemajjhe tassa vasati, brāhmaṇo mantapāragū.
11.
11.
‘‘பஞ்ச ஸிஸ்ஸஸஹஸ்ஸானி, பரிவாரெந்தி மங் ஸதா³;
‘‘Pañca sissasahassāni, parivārenti maṃ sadā;
புப்³பு³ட்டா²யீ ச தே ஆஸுங், மந்தேஸு ச விஸாரதா³.
Pubbuṭṭhāyī ca te āsuṃ, mantesu ca visāradā.
12.
12.
‘‘பு³த்³தோ⁴ லோகே ஸமுப்பன்னோ, தங் விஜானாத² நோ ப⁴வங்;
‘‘Buddho loke samuppanno, taṃ vijānātha no bhavaṃ;
அஸீதிப்³யஞ்ஜனானஸ்ஸ, பா³த்திங்ஸவரலக்க²ணா.
Asītibyañjanānassa, bāttiṃsavaralakkhaṇā.
13.
13.
‘‘ப்³யாமப்பபோ⁴ ஜினவரோ, ஆதி³ச்சோவ விரோசதி;
‘‘Byāmappabho jinavaro, ādiccova virocati;
ஸிஸ்ஸானங் வசனங் ஸுத்வா, ப்³ராஹ்மணோ மந்தபாரகூ³.
Sissānaṃ vacanaṃ sutvā, brāhmaṇo mantapāragū.
14.
14.
‘‘அஸ்ஸமா அபி⁴னிக்க²ம்ம, தி³ஸங் புச்ச²தி ஸிஸ்ஸகே 3;
‘‘Assamā abhinikkhamma, disaṃ pucchati sissake 4;
யம்ஹி தே³ஸே மஹாவீரோ, வஸதி லோகனாயகோ.
Yamhi dese mahāvīro, vasati lokanāyako.
15.
15.
‘‘தாஹங் தி³ஸங் நமஸ்ஸிஸ்ஸங், ஜினங் அப்படிபுக்³க³லங்;
‘‘Tāhaṃ disaṃ namassissaṃ, jinaṃ appaṭipuggalaṃ;
உத³க்³க³சித்தோ ஸுமனோ, பூஜேஸிங் தங் ததா²க³தங்.
Udaggacitto sumano, pūjesiṃ taṃ tathāgataṃ.
16.
16.
‘‘ஏத² ஸிஸ்ஸா க³மிஸ்ஸாம, த³க்கி²ஸ்ஸாம ததா²க³தங்;
‘‘Etha sissā gamissāma, dakkhissāma tathāgataṃ;
வந்தி³த்வா ஸத்து²னோ பாதே³, ஸொஸ்ஸாம ஜினஸாஸனங்.
Vanditvā satthuno pāde, sossāma jinasāsanaṃ.
17.
17.
‘‘ஏகாஹங் அபி⁴னிக்க²ம்ம, ப்³யாதி⁴ங் படிலபி⁴ங் அஹங்;
‘‘Ekāhaṃ abhinikkhamma, byādhiṃ paṭilabhiṃ ahaṃ;
ப்³யாதி⁴னா பீளிதோ ஸந்தோ, ஸாலங் வாஸயிதுங் க³மிங்.
Byādhinā pīḷito santo, sālaṃ vāsayituṃ gamiṃ.
18.
18.
‘‘ஸப்³பே³ ஸிஸ்ஸே ஸமானெத்வா, அபுச்சி²ங் தே ததா²க³தங்;
‘‘Sabbe sisse samānetvā, apucchiṃ te tathāgataṃ;
கீதி³ஸங் லோகனாத²ஸ்ஸ, கு³ணங் பரமபு³த்³தி⁴னோ.
Kīdisaṃ lokanāthassa, guṇaṃ paramabuddhino.
19.
19.
‘‘தே மே புட்டா² வியாகங்ஸு, யதா² த³ஸ்ஸாவினோ ததா²;
‘‘Te me puṭṭhā viyākaṃsu, yathā dassāvino tathā;
ஸக்கச்சங் பு³த்³த⁴ஸெட்ட²ங் தங், தே³ஸேஸுங் 5 மம ஸம்முகா².
Sakkaccaṃ buddhaseṭṭhaṃ taṃ, desesuṃ 6 mama sammukhā.
20.
20.
‘‘தேஸாஹங் வசனங் ஸுத்வா, ஸகங் சித்தங் பஸாத³யிங்;
‘‘Tesāhaṃ vacanaṃ sutvā, sakaṃ cittaṃ pasādayiṃ;
புப்பே²ஹி தூ²பங் கத்வான, தத்த² காலங்கதோ அஹங்.
Pupphehi thūpaṃ katvāna, tattha kālaṅkato ahaṃ.
21.
21.
‘‘தே மே ஸரீரங் ஜா²பெத்வா, அக³முங் பு³த்³த⁴ஸந்திகங்;
‘‘Te me sarīraṃ jhāpetvā, agamuṃ buddhasantikaṃ;
அஞ்ஜலிங் பக்³க³ஹெத்வான, ஸத்தா²ரமபி⁴வாத³யுங்.
Añjaliṃ paggahetvāna, satthāramabhivādayuṃ.
22.
22.
‘‘புப்பே²ஹி தூ²பங் கத்வான, ஸுக³தஸ்ஸ மஹேஸினோ;
‘‘Pupphehi thūpaṃ katvāna, sugatassa mahesino;
கப்பானங் ஸதஸஹஸ்ஸங், து³க்³க³திங் நுபபஜ்ஜஹங்.
Kappānaṃ satasahassaṃ, duggatiṃ nupapajjahaṃ.
23.
23.
‘‘சத்தாலீஸஸஹஸ்ஸம்ஹி , கப்பே ஸோளஸ க²த்தியா;
‘‘Cattālīsasahassamhi , kappe soḷasa khattiyā;
நாமேனக்³கி³ஸமா நாம, சக்கவத்தீ மஹப்³ப³லா.
Nāmenaggisamā nāma, cakkavattī mahabbalā.
24.
24.
‘‘வீஸகப்பஸஹஸ்ஸம்ஹி, ராஜானோ சக்கவத்தினோ;
‘‘Vīsakappasahassamhi, rājāno cakkavattino;
க⁴தாஸனஸனாமாவ, அட்ட²த்திங்ஸ மஹீபதீ.
Ghatāsanasanāmāva, aṭṭhattiṃsa mahīpatī.
25.
25.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா புப்ப²தூ²பியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā pupphathūpiyo thero imā gāthāyo abhāsitthāti.
புப்ப²தூ²பியத்தே²ரஸ்ஸாபதா³னங் து³தியங்.
Pupphathūpiyattherassāpadānaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 2. புப்ப²தூ²பியத்தே²ரஅபதா³னவண்ணனா • 2. Pupphathūpiyattheraapadānavaṇṇanā
