| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. បុប្ផសុត្តវណ្ណនា
2. Pupphasuttavaṇṇanā
៩៤. វិវទតីតិ វិវាទំ ករោតិ។ វទន្តោតិ អយថាសភាវេន វទន្តោ។ វិវទតិ ធម្មតាយ វិរុទ្ធំ កត្វា វទតិ។ លោកធម្មោតិ លុជ្ជនសភាវធម្មោ។ កោ បន សោតិ អាហ ‘‘ខន្ធបញ្ចក’’ន្តិ។ តេនាហ ‘‘តំ ហី’’តិអាទិ។ កថំ ករោមីតិ កេន បការេនាហំ ពាលំ អជានន្តំ ករោមិ។ តេនាហ ‘‘មយ្ហំ ហី’’តិអាទិ។ តថា ចាហ ‘‘អក្ខាតោ វោ មយា មគ្គោ’’តិអាទិ (ធ. ប. ២៧៥)។ ‘‘តយោ លោកា កថិតា’’តិ វត្វា តំ វិវរិតុំ ‘‘នាហំ, ភិក្ខវេ’’តិអាទិមាហ។
94.Vivadatīti vivādaṃ karoti. Vadantoti ayathāsabhāvena vadanto. Vivadati dhammatāya viruddhaṃ katvā vadati. Lokadhammoti lujjanasabhāvadhammo. Ko pana soti āha ‘‘khandhapañcaka’’nti. Tenāha ‘‘taṃ hī’’tiādi. Kathaṃ karomīti kena pakārenāhaṃ bālaṃ ajānantaṃ karomi. Tenāha ‘‘mayhaṃ hī’’tiādi. Tathā cāha ‘‘akkhāto vo mayā maggo’’tiādi (dha. pa. 275). ‘‘Tayo lokā kathitā’’ti vatvā taṃ vivarituṃ ‘‘nāhaṃ, bhikkhave’’tiādimāha.
បុប្ផសុត្តវណ្ណនា និដ្ឋិតា។
Pupphasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. បុប្ផសុត្តំ • 2. Pupphasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. បុប្ផសុត្តវណ្ណនា • 2. Pupphasuttavaṇṇanā
